Full Width CSS

" href="javascript:;">Responsive Advertisement

கடல்நீரைக் குடித்து மனிதன் உயிர் வாழ முடியுமா?

டல்நீரைக் குடித்து மனிதன் உயிர் வாழ முடியுமா? என்றொரு ஆராய்ச்சி தொடர்ந்து நடந்து கொண்டே இருக்கிறது. மனிதன் குடிக்கும் நீரெல்லாம் வியர்வை, சிறுநீர் என வெளியேறிக் கொண்டே இருக்கிறது. அதனால் மேலும் மேலும் நீரைக் குடிக்கிறான். மனிதர்களின் நீர் தேவை பெருகிக் கொண்டே போகின்றன. இப்படியே போனால் ஒரு நாளில் குடிப்பதற்கு நல்ல தண்ணீரே இல்லாத நிலை ஏற்படும் என்று அறிஞர்கள் கூறுகிறார்கள்.


ஒருவேளை அப்படி ஏற்பட்டு விட்டால் மனிதன் கடல் நீரை குடித்து உயிர் வாழ முடியுமா? சிருநீரகம்தான் நமது உடலில் நீரை தனியாக பிரித்தெடுக்கிறது. இது சுத்தப்படுத்தும் கருவியாக செயல்படுகிறது. 

நம் உடலில் உள்ள கால்சியம், பொட்டாசியம், சோடியம் மற்றும் ஏனைய கழிவு உப்புகளையும் வெளியேற்றி சிறுநீர் வழியாக அனுப்புகிறது. சிறுநீர் உப்பு கரித்த சுவையில் இருப்பதற்கு இதுவே காரணம். இந்த உப்புகள் சிறுநீரைவிட கடல்நீரில் அதிக விகிதத்தில் இருப்பதால் தான் கடல் நீரை நம்மால் குடித்து பழகி கொள்ள முடியவில்லை. நம் உடலும் அதற்கு ஒத்துக்கொள்ளவில்லை. 

ஆனாலும், ஏ.பாம்பார்ட் என்ற பிரெஞ்ச் விஞ்ஞானி தனந்தனியாக படகில் நடுக்கடலில் நல்ல நீரை எடுத்துக்கொள்ளாமல் கடல் நீரை குடித்தே எந்த நோயும் வராமல் 45 நாட்கள் வரை தாக்குபிடித்தார். அத்தோடு தன் பரிசோதனையை முடித்துக்கொண்டார்.


அப்படியானால் கடல் நீரில் வாழும் மீன் இனங்கள் உப்பு நீரை உட்கொண்டா வாழ்கின்றன என்ற கேள்வி எழுகிறது. மீனின் சிறுநீரகங்கள் மிகமிகச் சிறியவை அதோடு அசுத்தங்களை பிரித்தெடுக்கும் திறனும் அற்றவை. மாறாக மீன்களின் கழுத்து செதில்களில் நீரை சுத்தப்படுத்தும் மிகச் சிறந்த அமைப்பு ஒன்று உள்ளது. 

இது மீன்களின் ரத்தத்தில் உள்ள கழிவு உப்புகளை கூட பிரித்து எடுத்து சளி பொருளாக செதில் வழியாக வெளியேற்றி விடுகிறது. மீன்களின் செதில்களில் இத்தகைய சளிப்பொருள் அதிகம் தங்கியிருந்தால் நாம் அந்த மீன்களை உணவுக்காக வாங்குவதில்லை. கழிவுகள் அதிகமாக செதில் பகுதியில் சேர்ந்திருப்பது மீன் இறந்து அதிக நேரம் ஆகிவிட்டதை குறிக்கும். 

சரி, கடல்நீரை குடிக்கலாமா என்ற கேள்விக்கு இன்னும் பதில் கிடைக்கவில்லை. ஆய்வுகள் தொடர்ந்து கொண்டே இருக்கின்றன.

9 கருத்துகள்

  1. ரொம்ப நேரமாக முயற்சித்தேன் இப்பொழுதுதான் பதிவு திறந்தது நன்பரே,,, பயனுள்ள பதிவு
    நானும் இதில் இறங்குவதற்காக ஆயத்தமாகி கொண்டுதான் இருக்கிறேன் ஆனால் ஐடியா இதுதான் கிடைக்க மாட்டுது.

    கடல்லயே கிடைக்கலையாம்.
    தமிழ் மணம் 2

    பதிலளிநீக்கு
  2. கடல் நீரை குடிநீர் ஆக்கும் தொழில் நுட்பம்தான் வந்து விட்டதே !வருத்தமென்ன தாராளமா தண்ணி குடிங்க ,நான் டாஸ்மாக் தண்ணியை சொல்லலே ஜி :)

    பதிலளிநீக்கு
    பதில்கள்
    1. வாருங்கள் ஜி!
      இது கடல் நீரை குடி நீராக மாற்றுவதல்ல. கடல் நீரை அப்படியே குடிக்க முடியுமா என்ற ஆய்வுதான்.
      வருகைக்கு நன்றி!

      நீக்கு
  3. பதில்கள்
    1. நமது பூமியில் உள்ள நீரில் 97 % கடல் நீர். 3 % மட்டுமே நல்ல நீர், அதிலும் 2 % உறைந்துபோன பனிப் பாறைகளாகவும் உள்ளன. இவையெல்லாம் போக வெறும் 1% மட்டுமே நமக்கு பயன்படும் நீர் கிடைக்கிறது. அதற்கும் தற்போது தட்டுப்பாடு ஏற்பட்டுள்ள நிலையில் இது மிகவும் அவசியமான ஆய்வுதான்.

      நீக்கு
  4. 1% நீர் மட்டும் தான் நாம் பயன்படுத்துகிறோமா? ஆச்சரியமான தகவல்கள்.

    பதிலளிநீக்கு
    பதில்கள்
    1. உண்மைதான் இத்தனை பெரிய உலகில் இருக்கும் நீரில் வெறும் ஒரு சதவீதம்தான் நமது உபயோகத்திற்கு பயன்படுகிறது என்பது எவ்வளவு பெரிய வியப்பான செய்தி.
      வருகைக்கு நன்றி சகோ!

      நீக்கு

கருத்துரையிடுக

புதியது பழையவை