முதன்மை உள்ளடக்கத்திற்குச் செல்

வலி அறியா குடும்பம்

டலில் ஏற்படும் வலி ஒரு ஆரோக்கிய கண்ணாடி. நமது உடலில் தோன்றும் பாதிப்புகளை உடனுக்குடன் அறிவிக்கும் எச்சரிக்கை மணி. வலி மட்டும் இல்லையென்றால் இத்தனை மருத்துவம் தோன்றியிருக்காது, மருந்துகள் கண்டுபிடிக்கப் பட்டிருக்காது. எல்லா மருவத்துக்கும் அடிப்படை வலிதான். ஒருவேளை அந்த வலி நமக்கு இல்லையென்றால்  என்னவாகும்? நினைக்கவே வியப்பாக இருக்கிறதல்லவா. அப்படி ஒரு வலியில்லா குடும்பமும் உலகில்  இருக்கிறது.


இந்தக் குடும்பம் இருப்பது இத்தாலியில் உள்ள டஸ்கனிஸ் என்ற கிராமத்தில். இங்கு சென்று மாஸிடிஸ் குடும்பத்தைப் பற்றி கேட்டால் எல்லோரும் ஒன்றாக வந்து வழிகாட்டுவார்கள். இவர்கள் அவ்வளவு பிரசித்தம். அந்த குடும்பத்தில் இருக்கும் எவருக்கும் வலி என்ற உணர்வே கிடையாது. இந்த குறையும் இப்போது ஏற்பட்டதில்லை. கிட்டத்தட்ட மூன்று தலைமுறைகளாக இது தொடர்ந்து கொண்டே இருக்கிறது.   

அந்தக் குடும்பத்துப் பெண்ணான மொரியாவுக்கு தன்னுடைய சின்ன வயதில் காலில் அடிபட்டிருக்குமோ என்ற சந்தேகம் பெரிய வயதில் வந்தது. மருத்துவரிடம் சென்று பரிசோதித்துப் பார்த்தார். இரண்டு முறை கால் எலும்பு முறிந்திருக்கிறது என்றார். வலி என்ற உணர்வு இல்லாததால் எலும்பு உடைந்திருப்பதே அவருக்கு தெரியவில்லை. 


மொரியாவின் மூத்த மகள் நடீஸியா. இவருக்கு எவ்வளவு கடுமையான குளிரையும் தாங்கும் சக்தி இருக்கிறது. சொல்லப்போனால் அவருக்கு குளிர் என்பதே எப்படி இருக்கும் என்று தெரியாது. எப்படிப்பட்ட கடுங்குளிரிலும் சில்லிடும் குளிர்ந்த நீரில் இறங்கி நீச்சல் அடிப்பார். இவரின் தங்கை எலினாவுக்கு சுடுதல் என்ற உணர்வே கிடையாது. அதனால் சூடு தெரியாது. கொதிக்கும் உணவைக் கொடுத்தாலும் அப்படியே சாப்பிடுவார். 

மாஸிடிஸ் குடும்பத்தைப் பற்றி கேள்விப்பட்ட டாக்டர் ஜான் உட் என்பவர் இவர்களின் வீட்டுக்கு வந்தார். இவர் உலகம் முழுவதும் சுற்றி வலிகள் சம்பந்தமான பல ஆய்வுகளை செய்து வருகிறார். இவர் ஒரு 'ஜெனடிக்' விஞ்ஞானி என்பதால் மரபணு பற்றிய பல தகவல்களை கூறுகிறார். ஒரு மனிதனுக்கு வலி ஏற்படவில்லை என்றால் அதற்கு மரபணுதான் காரணம். அவர்களின் மரபணுவில் வலியை ஏற்படுத்தும் கூறுகள் இல்லை என்று அர்த்தம். அதனாலே அவர்கள் வலியை உணர்வதில்லை. 

நம் உடலில் இருக்கும் நூற்றுக்கணக்கான மரபணு கூறுகள் வலியை ஏற்படுத்தும் பணியில் முக்கிய பங்கு வகிக்கின்றது. நமது உடலில் இருக்கும் நியூரான்கள்தான் நமக்கு அடி பட்டால் அந்த தகவலை முதுகு தண்டு மூலம் மூளை தண்டிற்கும் அங்கிருந்து மூளையின் ஒரு பகுதியாக விளங்கும் 'கார்டெக்ஸ்' என்ற பகுதிக்கும் தெரியப்படுத்தும். இத்தனை செயல்கள் நடந்தால்தான் நமக்கு வலிக்கத் தொடங்குகிறது. மாஸிடிஸ் குடும்பத்துக்கு இந்த ப்ராசஸ் நடைபெறுவதில்லை. அதனால் அவர்களுக்கு வலிப்பதும் இல்லை என்று டாக்டர் ஜான் உட் கூறுகிறார். 

ஆனாலும் வலி அவசியமானதுதான்.




கருத்துகள்

  1. வலி அவசியமானது என்ற விஷயத்தை இந்தப்பதிவின் மூலம் மிகுந்த வலியுடன் உணர்ந்து கொண்டேன். பகிர்வுக்கு நன்றிகள்.

    பதிலளிநீக்கு
    பதில்கள்
    1. தங்களின் முதல் வருகைக்கும் கருத்துக்கும் நன்றி அய்யா!

      நீக்கு
  2. எதிர்காலத்தில் வலி உணர்வில்லா மனிதன் உருவாக்கப் பட்டால் நல்லதுதானே :)
    ஒரு சந்தேகம் ,அந்த ஊர் தாய்மார்கள் பிரசவ வலியையாவது உணர்ந்து இருக்கிறார்களா:)

    பதிலளிநீக்கு
    பதில்கள்
    1. ஊர் இல்லை, அந்த ஒரு குடும்பம் மட்டுமே வலியில்லாமல் இருக்கிறது. அவர்கள் பிரசவ வலியையும் உணரவில்லை.
      வருகைக்கு நன்றி நண்பரே!

      நீக்கு
  3. நிச்சயம் வலி இல்லா வாழ்க்கைக் கூட வேதனையானதுதான்!

    பதிலளிநீக்கு
  4. வலியில்லாக் குடும்பம் பற்றி வலியுடன் படித்தேன். உடற்கூறு நிலையில் வலி தேவையே.

    பதிலளிநீக்கு
  5. ஆனாலும்...சுடுகின்ற,,பனிக்கட்டி கையில் வைத்து அதன் ஜில்லிப்பை ரசிக்கின்ற உணர்வு இல்லாத..வாழ்க்கையை ...?

    நமக்கு எல்லாம் வேணும்...
    அப்புறம் மரத்துக்கும் நமக்கும் என்ன வேறுபாடு...

    இந்த அதிசயத்தை நான் வரமாக அல்லாமல் சாபமாகவே உணர்கிறேன்...

    அறிமுகப்படுத்திய உங்கள் பணி உணர்வுக்கு(?) நன்றி...

    பதிலளிநீக்கு
    பதில்கள்
    1. வலியில்லாத வாழ்க்கை வேதனைதான். தங்கள் வருகைக்கும் கருத்துக்கும் நன்றி நண்பரே!

      நீக்கு
  6. புதிய செய்தி ....வலியில்லா வாழ்வு ...கடினமே ...

    பகிர்வுக்குக்கு மிகவும் நன்றி

    பதிலளிநீக்கு
  7. பதில்கள்
    1. தங்கள் வருகைக்கும் கருத்துக்கும் நன்றி

      நீக்கு
  8. வியப்பைத் தரும் தகவலை பகிர்ந்தமைக்கு நன்றி!

    பதிலளிநீக்கு
    பதில்கள்
    1. தங்கள் வருகைக்கும் கருத்துக்கும் நன்றி அய்யா!

      நீக்கு
  9. ஆச்சரியமான விஷயம்தான். பகிர்வுக்கு நன்றி. ஆனால் நமது உடலில் ஏற்படும், அல்லது ஏற்படப் போகும் நோய்களை அல்லது குறைபாடுகளை தெரியப்படுத்தும், எச்சரிக்கை மணியான வலி அவசியம் மனிதனுக்கு தேவை.

    பதிலளிநீக்கு
    பதில்கள்
    1. எச்சரிக்கை மணிதான் வலி. வலியில்லாத வாழ்க்கை வேதனைதான். தங்கள் வருகைக்கும் கருத்துக்கும் நன்றி

      நீக்கு
    2. எச்சரிக்கை மணிதான் வலி. வலியில்லாத வாழ்க்கை வேதனைதான். தங்கள் வருகைக்கும் கருத்துக்கும் நன்றி

      நீக்கு
  10. வியக்கவைத்த பதிவு! தங்களால் மட்டுமே இது போன்ற செய்திகளை தரமுடிகிறது!

    பதிலளிநீக்கு
  11. வலியே இல்லை என்றாலும் கஷ்டம்தான். பல நோய்களைக் கண்டறிதல் கடினம். உடல் பிரச்சனைக்கு வலிதான் எச்சரிக்கை தரும். இதுவும் ஒரு வலிதான்!!

    பதிலளிநீக்கு
  12. மரபு சம்பந்தப்பட்டது நீங்கள் சொல்லியிருப்பது இல்லையா...கான்ஜெனிட்டல் இன்சென்சிட்டிவிட்டி டு பெய்ன்(CIP-congenital insensitivity to pain) அல்லது காஞ்செனிட்டல் அனால்ஜெசியா (congenital analgesia) என்று சொல்லப்படுகிறது. ரொம்பவே அபாயகரமான ஒன்று இது.

    ஒரு சிலருக்கு மூளையில் எண்டார்ஃபின்ஸ் அதிகமானாலும் இந்நிலை ஏற்படும். இப்படிப்பட்டதற்குச் சிகிச்சை இருக்கிறது. ஸ்வீடனில் ஒரு கிராமத்தில் பலருக்கும் இருக்கிறதாம். இங்கும் கூட இருக்கலாம் ஆனால் வெளியில் தெரியவில்லையாக இருக்கலாம் இல்லையா...

    கீதா

    பதிலளிநீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

மூவாயிரம் ஆண்டுகளாக தொடரும் பெண்ணுறுப்பு சிதைவு

அந்த வீடு விழாக்கோலம் பூண்டிருந்தது. உறவினர்கள் வந்து கொண்டிருந்தார்கள். ஐந்து வயது சிறுமி நடக்கப் போகும் விபரீதம் தெரியாமல் விளையாடிக் கொண்டிருந்தாள். இன்று அவளுக்கு 'புனித சடங்கு'. இந்த சடங்கு அங்கு வாழும் 98% பெண்களுக்கு செய்யப்படுள்ளது. இது ஒரு கொடூரமான சடங்கு.
கேட்கவே மனம் பதைபதைக்கும் கொடூரம்! உலகம் எப்படி மூடநம்பிக்கையில் திளைத்திருக்கிறது என்பதற்கான நிகழ்கால உதாரணம்! இந்த வன்கொடுமை மூவாயிரம் வருடங்களாக நடந்து கொண்டிருக்கிறது என்பதுதான் கொடுமையிலும் கொடுமை.
பிரமிடுகளில் புதைந்திருந்த மம்மிகளில் கூட இந்த அடையாளம் காணப்படுகிறது. அதுதான் இந்த சடங்கு 3,000 ஆண்டுகள் பழமை  மிக்கது என்று உலகுக்கு காட்டுகிறது.
தற்போதும் கூட 28 ஆப்பிரிக்கா  நாடுகளில் இந்த பழக்கம் தலைமுறை தலைமுறையாக கடைபிடிக்கப்பட்டு வருகிறது. எகிப்து, எத்தியோப்பியா, சோமாலியா, சூடான் போன்ற நாடுகளில் 98% பெண்களுக்கு இந்த சடங்கு பெருமையோடு நடத்தப் பட்டிருக்கிறது.
இங்கு பெண்ணாகப் பிறந்த எல்லோருக்குமே கட்டாயமாக இதை செய்கிறார்கள். அப்படி செய்யாத பெண்கள் தீட்டு கழியாத புனிதமற்ற பெண்களாக கருதி வெறுத்து ஒதுக்குகிறார்கள்…

பைசா செலவில்லாமல் நான்கே நாட்களில் கிட்னி ஸ்டோனை கரைக்கும் அற்புத மூலிகை

யற்கை மனிதனுக்கு ஏற்படும் அரோக்கிய பிரச்சனைகளை தீர்த்து வைப்பதற்கென்றே பல அபூர்வ மூலிகைகளை படைத்திருக்கிறது. பழங்காலத்தில் இதை நன்கு உணர்ந்து நம் முன்னோர்கள் பயன்படுத்தினர். பின்னாளில் இதன் அருமையை மறந்தனர். அப்படி நாம் மறந்த ஓர் அபூர்வ மூலிகைப் பற்றி இங்கு நாம் பார்க்கப் போகிறோம். 

பத்து கோடி ரூபாய் விலையில் ஒரு காளை..!

பொதுவாக பால்தரும் விலங்கினங்களில் காளைகளுக்கு மதிப்பிருப்பதில்லை. பெண்ணினத்திற்கு மட்டுமே மதிப்புண்டு. ஆனால், இங்கொரு காளையை கொண்டாடுகிறார்கள். பொத்தி பொத்தி வளர்க்கிறார்கள். தினமும் 20 லிட்டர் பால், 5 கிலோ ஆப்பிள், 15 கிலோ காய்கறி வலிமையான மாட்டுத் தீவனம் என்று சாப்பிடச் சொல்லி திணிக்கிறார்கள். தீவனத்திற்காக மட்டும் ஒரு நாளைக்கு ரூ.2,500 செலவு செய்கிறார்கள். கொழுப்பு வைக்கக் கூடாது என்பதற்காக தினமும் 6 கி.மீ. வாக்கிங் கூட்டிப் போகிறார்கள். அதுவொரு 'முரா' இனத்தை சேர்ந்த எருது காளை. இன்றைய தேதியில் உலகிலேயே அதிக விலைமதிப்பு கொண்ட காளை இதுதான். இதன் மதிப்பு கிட்டத்தட்ட 10 கோடி ரூபாய். இந்த விலையில் ஒரு ஹெலிகாப்டர் வாங்கி பறக்கலாம். 
அப்படி என்னதான் இருக்கிறது இந்த காளையிடம். அந்த காளையின் நீளம் 11.5 அடி. உயரம் 5.8 அடி. 1,400 கிலோ எடை. காளையின் பெயர் யுவராஜ். அதன் உரிமையாளர் பெயர் கரம்வீர் சிங். ஹரியானா மாநிலத்தின் மூன்றாம் தலைமுறை விவசாயி. இந்த கிராமத்தின் பெயர் சுநேரியன். மஹாபாரதத்தில் குருஷேத்ரா யுத்தம் நடந்த இடம் இது  என்கிறார்கள்.  இந்த காளை தினமும் ரூ.2 லட்சம் வருமானத்தை தன…

செம்மரத்திற்கு காப்புரிமை கோரும் ஆந்திர அரசு

செம்மரத்திற்கும் தமிழர்களுக்குமான பந்தம் இன்று நேற்றல்ல, தலைமுறை தலைமுறையாக பாரம்பரியமாக தொன்றுத்தொட்டு வருகிறது என்று சொல்கிறார், சிவகங்கை மாவட்டம் ஆ.கருங்குளத்தை சேர்ந்த சாதனை விவசாயி எம்.முருகேசன். 
செம்மரம் வெட்டியதற்காக தமிழர்களை கொன்று குவித்த ஆந்திரா, இப்போது செம்மரத்திற்கு காப்புரிமை கேட்கிறது என்ற அதிர்ச்சி தகவலையும் அவர் வெளிப்படுத்துகிறார். அதோடு செம்மரம் என்பதை மற்ற மரங்களைப் போல் சாதாரணமாக வளர்க்க முடியாது. அதற்கு ஏகப்பட்ட வழிமுறைகள் இருக்கிறது. அந்த நடைமுறைகளையும், மரம் வளர்ந்தபின் அவற்றை வெட்டுவதற்கு மேற்கொள்ள வேண்டிய விதிமுறைகள் பற்றியும் தெளிவாக குறிப்பிடுகிறார்.

கும்கியை பயிற்றுவிக்கும் குரும்பர்கள் - 2

இந்தப் பதிவின் முதல் பகுதியை படிக்காதவர்கள் இங்கே சொடுக்கி படிக்கவும்..
கும்கியை பயிற்றுவிக்கும் குரும்பர்கள் - 1
காட்டு யானைகளுக்கு கரும்பு, வெல்லம் கொடுத்து பழக்கம்படுத்தும் அதே காலக்கட்டத்தில் யானைக்கென்று தேக்கு மரத்தால் செய்யப்பட்ட வலுவான கூண்டை தயார்ப்படுத்துவார்கள். அதற்குள் யானையை அடைத்து வைத்து வழிக்கு கொண்டுவர பயிற்சி கொடுப்பார்கள். இப்படியே இரண்டு மாதங்கள் ஓடிவிடும். அதற்குள் யானை கொஞ்சம் கொஞ்சமாக பாகனோடு சிநேகம் கொள்ளத் தொடங்கும்.



ஒரு யானை பாகனின் கட்டுப்பாட்டில் முழுமையாக வந்து விட்டது என்பதற்கான அடையாளம், அந்த யானையின் மீது பாகன் ஏறி அமர்வதுதான். முரட்டுப் பிடிவாதம் கொண்ட கும்கி யானைகள் சாமான்யத்தில் பாகன்களை மேலே அமரவிடாது. அதையும் மீறி அமர முயன்றால் துதிக்கையால் வளைத்துப் பிடித்து தூக்கி எரித்துவிடும். அல்லது தரையில் போட்டு மிதித்துவிடும். அதன்பின் பாகன் உயிரோடு இருப்பது முடியாத ஒன்றாகிவிடும். அதற்காகவே துதிக்கையை மேலே தூக்க முடியாதபடி கூண்டை அமைத்திருப்பார்கள்.
தினமும் கொஞ்சம் கொஞ்சமாக முயற்சி செய்து யானையை வழிக்கு கொண்டு வருவார்கள். அதன்பின் மேலே அமர்வார்கள். யானை ஒருவ…

LinkWithin

Related Posts Plugin for WordPress, Blogger...