முதன்மை உள்ளடக்கத்திற்குச் செல்

ஜொலிக்கும் ரயில் நிலையங்கள்

ம்மூர் ரயில் நிலையங்கள் எல்லாம் இப்போதுதான் கொஞ்சம் கொஞ்சமாக அழுக்கை மறந்து சுத்தமாக காட்சியளிக்கத் தொடங்கியிருக்கிறது. ஆனால், உலகில் சில ரயில் நிலையங்கள் இருக்கின்றன. 'இன்னும் கொஞ்ச நேரம் இருந்தால்தான் என்ன?' என்று  பாடத் தோன்றும். அந்தளவிற்கு அழகில் சொக்கவைக்கும் ரயில் நிலையங்கள் அவைகள். அவற்றில் சிலவற்றை இங்கு பார்ப்போம்..

பெர்லின் ஹோப்ட்பெஹஃப் - ஜெர்மனி 

பெர்லின் ஹோப்ட்பெஹஃப் ரயில் நிலையத்தின் வெளித்தோற்றம்
ஜெர்மனியில் இருக்கும் இந்த ரயில் நிலையம் ஐரோப்பியாவிலேயே மிகப் பெரிய பிரமாண்டமான ரயில் நிலையமாகும். நூற்றாண்டுகளைக் கடந்த இந்த பழமையான ரயில் நிலையத்தை இடித்துவிட்டு நவீன வடிவில், நவீன தொழில்நுட்பத்தில் ரயில் நிலையம் முழுவதும் மெட்டல் மற்றும் கண்ணாடியால் வடிவமைக்கப்பட்டுள்ளது.

பெர்லின் ஹோப்ட்பெஹஃப் ரயில் நிலையத்தின் உள்த்தோற்றம்
சூரிய ஒளி இதன் மீது பட்டதும் வைரமாக ஜொலிக்கிறது. உள்ளே சென்றால் இது ரயில் நிலையாமா? அல்லது ஃபைவ் ஸ்டார் ஹோட்டலா? என்று வியக்கும் அளவுக்கு பளிச்சென்று இருக்கும். புதிய ரயில் நிலையம் 2006-ல் திறக்கப்பட்டது. அதற்குள் உலக சுற்றுலா வாசிகளின் மனதை வசீகரித்துவிட்டது.  

நார்த் பார்க் வே கேபிள் - ஆஸ்திரியா

'நார்த் பார்க் வே கேபிள்' ரயில் நிலையத்தின் வெளித் தோற்றம் 
ஆஸ்திரியாவில் உள்ள இன்ஸ்பெர்க் என்ற நகரில் இந்த ரயில் நிலையம் அமைந்துள்ளது. நவீன தொழிநுட்பத்தில் கடல் அலைகளின் வடிவத்தில் ஆடம்பரமாக கூரை உள்ளது. எல்லாவிதமான அதிர்வுகளையும் நில நடுக்கத்தையும் தாங்கும் விதமாக கட்டப்பட்டுள்ள காஸ்ட்லியான சுரங்க ரயில் நிலையம் இது.

'நார்த் பார்க் வே கேபிள்' ரயில் நிலையத்தின் உள்த் தோற்றம் 

ல கேர் டி ஸ்டரஸ்பொ - பிரான்ஸ்

'ல கேர் டி ஸ்டரஸ்பொ' ரயில் நிலையத்தின் வெளித் தோற்றம்
1883-ல் கட்டப்பட்ட இந்த பழமையான ரயில் நிலையம் 2007-ல் நவீனமயமாக புதுப்பிக்கப்பட்டது. 120 மீட்டர் உயரத்துக்கு மேல் முழுக்க முழுக்க கண்ணாடியால் போர்த்தப்பட்டதுபோல் கட்டினார்கள். வெயில் பட்டால் தங்கநிறத்தில் ஜொலிக்கும் ரயில் நிலையம் இது.

'ல கேர் டி ஸ்டரஸ்பொ' ரயில் நிலையத்தின் உள்த் தோற்றம்


கானாஸவா - ஜப்பான்

'கானாஸவா' ரயில் நிலையத்தின் வெளித் தோற்றம்
இது பழமையும் புதுமையும் இணைந்த கலவையால் உருவானது. இதில் ஜப்பானின் புராதனக் கட்டடக் கலையும் மேற்கத்திய பாணி வடிவமைப்பும் ஒன்று சேர்ந்து உருவாக்கப்பட்டது. 14 மீட்டர் உயரமுள்ள பிரமாண்டமான நுழைவு வாயில் ஜப்பானின் பழமையால் உருவானது. இதன் மேற்கூரை 30 ஆயிரம் காண்ணாடி துண்டுகளால் ஆனது. இதுவும் சூரிய ஒளியில் ஜொலிக்கும் ரயில் நிலையம்தான்.

'கானாஸவா' ரயில் நிலையத்தின் நுழைவாயில்


ஆன்ட்வெர்ப் சென்ட்ரல் - பெல்ஜியம்

'ஆன்ட்வெர்ப் சென்ட்ரல்' ரயில் நிலையத்தின் வெளித் தோற்றம் 
இந்த ரயில் நிலையம் பார்ப்பதற்கு தேவாலயம் போலவே ஜொலிக்கும் அழகான ரயில் நிலையம். அரைவட்ட கோள வடிவில் மேற்கூரையும், பிரமாண்டமான தூண்களும் காண கண் கோடி வேண்டும். பக்கவாட்டில் உள்ள கட்டிடங்களின் சிறுசிறு மேற்கூரைகள் மையக்கூரையோடு இணைக்கப்பட்டுள்ளன. இதை ரயில் நிலையங்களின் தேவாலயம் என்று சொல்கிறார்கள்.

'ஆன்ட்வெர்ப் சென்ட்ரல்' ரயில் நிலையத்தின் உள்த் தோற்றம் 

நம்ம ஊர் ரயில் நிலையங்களும் இப்படி ஜொலிப்பது எப்போது?




கருத்துகள்

  1. செய்திகளும் படங்களும் மிக அழகாக உள்ளன. தலைப்பைப் போலவே ஜொலிக்கின்றன. பாராட்டுகள். பகிர்வுக்கு நன்றிகள்.

    பதிலளிநீக்கு
    பதில்கள்
    1. முதல் வருகைக்கும் ஜொலிக்கும் கருத்துக்கும் நன்றி அய்யா!

      நீக்கு
  2. படங்கள் அழகு....
    நம்மூரிலா...? அது இப்போது சாத்தியமில்லை...
    ஒரு விமான நிலையத்தை சரியாக கட்ட முடியவில்லை... உடைந்து விழுவதில் சதம் அடிக்கப் போகிறது...

    பதிலளிநீக்கு
    பதில்கள்
    1. இந்த ரயில் நிலையங்களும் கண்ணாடியால் ஆனவைகல்தான். ஒருமுறை கூட உடையவில்லை. நமோ 100-யை நோக்கி முன்னேறிக்கொண்டிருக்கிறோம்.

      நீக்கு
  3. அழகான படங்கள்..நம்மூரிலா...விமான நிலையமே சரியாக இல்லை. சென்னை உள்நாட்டு விமான நிலையத்தில் விமானங்கள் புறப்படும் மேல் தளத்தில் விருந்தினருக்கு அவசர இயற்கை உபாதைகளைக் கூட கழிக்க முடியாது. கழிவறைகள் இல்லை. கீழ் தளத்திற்குத்தான் செல்ல வேண்டும். இப்படியாகத்தான் இருக்கிறது நம்மூர் சேவைகள் எல்லாம். அதைப் போல தலைநகர் டெல்லி ரயில் நிலையத்தில் கழிவறை வசதிகள் மிக மிக மிக மோசம்.

    முதலில் ஒரு நல்ல தலைவர் இந்தியாவுக்குக் கிடைக்க வேண்டும்...அப்போதுதானே இந்த மாற்றங்கள் எல்லாம் நடக்கும்..

    பதிலளிநீக்கு
    பதில்கள்
    1. மக்கள் அதிகம் கூடும் இடங்களில் இலவச கழிப்பறை கட்டாயமாக இருக்கவேண்டும் என்ற விதி உள்ளது. ஆனால், பல இடங்களில் இது மீறப்பட்டு கட்டணக் கழிப்பிடங்கள் மட்டும் அமைக்கப்படுகின்றன. இன்னும் சில இடங்களில் அதுவும் இருப்பதில்லை. மக்களின் தேவைப் பற்றி கண்டுகொள்ளாத அரசுகள் இருக்கும்வரை இப்படிதான். நீங்கள் சொன்னதுபோல் நல்ல தலைவர் நமக்கு வாய்க்கவில்லை என்பதே உண்மை.

      நீக்கு
  4. நன்றி நண்பரே !

    100 % உண்மையை சொன்னீர்கள் - சரியான தலைவர்கள் இந்தியாவில் உருவாகட்டும். பின்பு எல்லா மாற்றங்களும் உருவாகும் !

    பதிலளிநீக்கு
    பதில்கள்
    1. உண்மைதான் நண்பரே, நல்லவர்களை அரசியலில் வாக்களித்து தேர்ந்தெடுப்போம். அப்போதுதான் மாற்றம் வரும்.
      வருகைக்கு நன்றி நண்பரே!

      நீக்கு

  5. இந்த படங்களைப் பார்த்ததும் நம் நாட்டில் இது போன்ற காட்சிகளை எப்போது பார்க்கபோகிறோம் என்ற ஏக்கப் பெருமூச்சே வெளிப்படுகிறது. அழகான படங்களையும் தகவலையும் பகிர்ந்தமைக்கு நன்றி!

    பதிலளிநீக்கு
    பதில்கள்
    1. தங்கள் வருகைக்கும் கருத்துக்கும் நன்றி அய்யா!

      நீக்கு
  6. நம்மூரு ரயில் நிலையங்களும் அழகுறத்தான் கட்டப்படுகின்றன சகோ. தொகுத்து ஒரு நாள் போடணும். புகைப்படங்கள் அங்கங்கே இருக்கு :) ஆனா பராமரிப்புத்தான் இல்லை

    பதிலளிநீக்கு
    பதில்கள்
    1. அதுவும் தெரியும் சகோ! நமது ரயில் நிலையங்களும் அருமையாக இருக்கின்றன. ஆனால், இப்படி நவீன வடிவமைப்பில் நம்மிடம் ரயில் நிலையங்கள் இல்லை என்பதே உண்மை.
      வருகைக்கும் கருத்துக்கும் நன்றி சகோ!

      நீக்கு
  7. அருமையான தகவல் .......மிகவும் வித்தியாசமான தகவல்களை பதிவு செய்கிறீர்கள்
    நன்றி

    பதிலளிநீக்கு
  8. அருமையான தகவல் .......மிகவும் வித்தியாசமான தகவல்களை பதிவு செய்கிறீர்கள்
    நன்றி

    பதிலளிநீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

மூவாயிரம் ஆண்டுகளாக தொடரும் பெண்ணுறுப்பு சிதைவு

அந்த வீடு விழாக்கோலம் பூண்டிருந்தது. உறவினர்கள் வந்து கொண்டிருந்தார்கள். ஐந்து வயது சிறுமி நடக்கப் போகும் விபரீதம் தெரியாமல் விளையாடிக் கொண்டிருந்தாள். இன்று அவளுக்கு 'புனித சடங்கு'. இந்த சடங்கு அங்கு வாழும் 98% பெண்களுக்கு செய்யப்படுள்ளது. இது ஒரு கொடூரமான சடங்கு.
கேட்கவே மனம் பதைபதைக்கும் கொடூரம்! உலகம் எப்படி மூடநம்பிக்கையில் திளைத்திருக்கிறது என்பதற்கான நிகழ்கால உதாரணம்! இந்த வன்கொடுமை மூவாயிரம் வருடங்களாக நடந்து கொண்டிருக்கிறது என்பதுதான் கொடுமையிலும் கொடுமை.
பிரமிடுகளில் புதைந்திருந்த மம்மிகளில் கூட இந்த அடையாளம் காணப்படுகிறது. அதுதான் இந்த சடங்கு 3,000 ஆண்டுகள் பழமை  மிக்கது என்று உலகுக்கு காட்டுகிறது.
தற்போதும் கூட 28 ஆப்பிரிக்கா  நாடுகளில் இந்த பழக்கம் தலைமுறை தலைமுறையாக கடைபிடிக்கப்பட்டு வருகிறது. எகிப்து, எத்தியோப்பியா, சோமாலியா, சூடான் போன்ற நாடுகளில் 98% பெண்களுக்கு இந்த சடங்கு பெருமையோடு நடத்தப் பட்டிருக்கிறது.
இங்கு பெண்ணாகப் பிறந்த எல்லோருக்குமே கட்டாயமாக இதை செய்கிறார்கள். அப்படி செய்யாத பெண்கள் தீட்டு கழியாத புனிதமற்ற பெண்களாக கருதி வெறுத்து ஒதுக்குகிறார்கள்…

பைசா செலவில்லாமல் நான்கே நாட்களில் கிட்னி ஸ்டோனை கரைக்கும் அற்புத மூலிகை

யற்கை மனிதனுக்கு ஏற்படும் அரோக்கிய பிரச்சனைகளை தீர்த்து வைப்பதற்கென்றே பல அபூர்வ மூலிகைகளை படைத்திருக்கிறது. பழங்காலத்தில் இதை நன்கு உணர்ந்து நம் முன்னோர்கள் பயன்படுத்தினர். பின்னாளில் இதன் அருமையை மறந்தனர். அப்படி நாம் மறந்த ஓர் அபூர்வ மூலிகைப் பற்றி இங்கு நாம் பார்க்கப் போகிறோம். 

பத்து கோடி ரூபாய் விலையில் ஒரு காளை..!

பொதுவாக பால்தரும் விலங்கினங்களில் காளைகளுக்கு மதிப்பிருப்பதில்லை. பெண்ணினத்திற்கு மட்டுமே மதிப்புண்டு. ஆனால், இங்கொரு காளையை கொண்டாடுகிறார்கள். பொத்தி பொத்தி வளர்க்கிறார்கள். தினமும் 20 லிட்டர் பால், 5 கிலோ ஆப்பிள், 15 கிலோ காய்கறி வலிமையான மாட்டுத் தீவனம் என்று சாப்பிடச் சொல்லி திணிக்கிறார்கள். தீவனத்திற்காக மட்டும் ஒரு நாளைக்கு ரூ.2,500 செலவு செய்கிறார்கள். கொழுப்பு வைக்கக் கூடாது என்பதற்காக தினமும் 6 கி.மீ. வாக்கிங் கூட்டிப் போகிறார்கள். அதுவொரு 'முரா' இனத்தை சேர்ந்த எருது காளை. இன்றைய தேதியில் உலகிலேயே அதிக விலைமதிப்பு கொண்ட காளை இதுதான். இதன் மதிப்பு கிட்டத்தட்ட 10 கோடி ரூபாய். இந்த விலையில் ஒரு ஹெலிகாப்டர் வாங்கி பறக்கலாம். 
அப்படி என்னதான் இருக்கிறது இந்த காளையிடம். அந்த காளையின் நீளம் 11.5 அடி. உயரம் 5.8 அடி. 1,400 கிலோ எடை. காளையின் பெயர் யுவராஜ். அதன் உரிமையாளர் பெயர் கரம்வீர் சிங். ஹரியானா மாநிலத்தின் மூன்றாம் தலைமுறை விவசாயி. இந்த கிராமத்தின் பெயர் சுநேரியன். மஹாபாரதத்தில் குருஷேத்ரா யுத்தம் நடந்த இடம் இது  என்கிறார்கள்.  இந்த காளை தினமும் ரூ.2 லட்சம் வருமானத்தை தன…

செம்மரத்திற்கு காப்புரிமை கோரும் ஆந்திர அரசு

செம்மரத்திற்கும் தமிழர்களுக்குமான பந்தம் இன்று நேற்றல்ல, தலைமுறை தலைமுறையாக பாரம்பரியமாக தொன்றுத்தொட்டு வருகிறது என்று சொல்கிறார், சிவகங்கை மாவட்டம் ஆ.கருங்குளத்தை சேர்ந்த சாதனை விவசாயி எம்.முருகேசன். 
செம்மரம் வெட்டியதற்காக தமிழர்களை கொன்று குவித்த ஆந்திரா, இப்போது செம்மரத்திற்கு காப்புரிமை கேட்கிறது என்ற அதிர்ச்சி தகவலையும் அவர் வெளிப்படுத்துகிறார். அதோடு செம்மரம் என்பதை மற்ற மரங்களைப் போல் சாதாரணமாக வளர்க்க முடியாது. அதற்கு ஏகப்பட்ட வழிமுறைகள் இருக்கிறது. அந்த நடைமுறைகளையும், மரம் வளர்ந்தபின் அவற்றை வெட்டுவதற்கு மேற்கொள்ள வேண்டிய விதிமுறைகள் பற்றியும் தெளிவாக குறிப்பிடுகிறார்.

கும்கியை பயிற்றுவிக்கும் குரும்பர்கள் - 2

இந்தப் பதிவின் முதல் பகுதியை படிக்காதவர்கள் இங்கே சொடுக்கி படிக்கவும்..
கும்கியை பயிற்றுவிக்கும் குரும்பர்கள் - 1
காட்டு யானைகளுக்கு கரும்பு, வெல்லம் கொடுத்து பழக்கம்படுத்தும் அதே காலக்கட்டத்தில் யானைக்கென்று தேக்கு மரத்தால் செய்யப்பட்ட வலுவான கூண்டை தயார்ப்படுத்துவார்கள். அதற்குள் யானையை அடைத்து வைத்து வழிக்கு கொண்டுவர பயிற்சி கொடுப்பார்கள். இப்படியே இரண்டு மாதங்கள் ஓடிவிடும். அதற்குள் யானை கொஞ்சம் கொஞ்சமாக பாகனோடு சிநேகம் கொள்ளத் தொடங்கும்.



ஒரு யானை பாகனின் கட்டுப்பாட்டில் முழுமையாக வந்து விட்டது என்பதற்கான அடையாளம், அந்த யானையின் மீது பாகன் ஏறி அமர்வதுதான். முரட்டுப் பிடிவாதம் கொண்ட கும்கி யானைகள் சாமான்யத்தில் பாகன்களை மேலே அமரவிடாது. அதையும் மீறி அமர முயன்றால் துதிக்கையால் வளைத்துப் பிடித்து தூக்கி எரித்துவிடும். அல்லது தரையில் போட்டு மிதித்துவிடும். அதன்பின் பாகன் உயிரோடு இருப்பது முடியாத ஒன்றாகிவிடும். அதற்காகவே துதிக்கையை மேலே தூக்க முடியாதபடி கூண்டை அமைத்திருப்பார்கள்.
தினமும் கொஞ்சம் கொஞ்சமாக முயற்சி செய்து யானையை வழிக்கு கொண்டு வருவார்கள். அதன்பின் மேலே அமர்வார்கள். யானை ஒருவ…

LinkWithin

Related Posts Plugin for WordPress, Blogger...