முதன்மை உள்ளடக்கத்திற்குச் செல்

ஆஸ்திரேலியாவுக்கு குடிபெயரும் இந்திய விவசாயிகள்..!

பஞ்சாப் விவசாயி
க்கள் ஒருஇடத்திலிருந்து மற்றொரு இடத்திற்கு குடிபெயர்தல் என்பது பெரும்பாலும் பஞ்சம் தலைவிரித்து ஆடும் காலங்களில் நடைபெறும். ஆனால், மித மிஞ்சிய மனிதனின் ஆசைக் கூட குடிபெயர வைக்கும் என்பதற்கு சமீபத்திய உதாரணம் பஞ்சாப் விவசாயிகள். 

இந்தியாவிலேயே விவசாயத்தில் செழுமையும் தன்னிறைவும் கொண்ட ஒரே மாநிலம் பஞ்சாப்தான். அப்படிப்பட்ட அந்த மாநில விவசாயிகள்தான் தங்களின் விளைநிலத்தை விற்றுவிட்டு நாட்டைவிட்டு வெளியேறி ஆஸ்திரேலியாவிற்கு சென்று குடியேறுகிறார்கள். இதன் பின்னணியில் செழுமையும் பேராசையும்தான் இருக்கிறது. 

கதிரடித்தல்
பஞ்சாப்பில் விளைநிலங்களின் விலை நாளுக்குநாள் ராக்கெட் வேகத்தில் ஏறிக்கொண்டே போகிறது. அங்கு ஒரு ஏக்கர் விளைநிலம் 20 லிருந்து 30 லட்சம் ரூபாய் வரை விலை போகிறது. ரியல் எஸ்டேட் தொழிலதிபர்கள் போட்டிப்போட்டு இந்த நிலத்தை வாங்குகிறாகள். அவற்றை வீட்டு மனைகளாக மாற்றி விற்பனை செய்கிறார்கள். அதனால், இங்கு விவசாய நிலங்கள் எல்லாம் படுவேகமாக வீட்டு மனைகளாக மாறி வருகின்றன. அதிக பணத்திற்கு ஆசைப்படும் விவசாயிகள் தங்கள் சொந்த நாட்டில் உள்ள சொந்த நிலத்தை விற்பனை செய்துவிட்டு ஆஸ்திரேலியாவில் சென்று குடியேறி விடுகிறார்கள். 


ஆஸ்திரேலிய இந்தியாவை விட மூன்று மடங்கு பெரியது. இந்தியாவின் மக்கள் தொகை 128 கோடி என்றால் அங்கு 2.40 கோடிதான். அங்கு ஏராளமான நிலங்கள் உள்ளன. அங்கிருக்கும் விவசாயிகள் 500, 1000 ஏக்கர் நிலங்களை வைத்து பிரமாண்டமாக விவசாயத்தை செய்து வருகிறார்கள். அங்கு நிலங்களின் விலையும் மிகக் குறைவு. 

ஆஸ்திரேலியாவின் இயந்திர விவசாயம்
பஞ்சாப்பில் 5 ஏக்கர் நிலத்தை விற்றால் போதும் ஆஸ்திரேலியாவில் நூற்றுக்கணக்கான ஏக்கர் நிலத்தை வாங்கிவிடலாம். அங்கு 85 சதவீத விளைநிலங்கள் பயிரிடப்படாமல் சும்மாவே கிடக்கிறது.  இந்தியாவில் இருந்து சென்று ஒருவர் ஆஸ்திரேலியாவில் நிலம் வாங்கினால் உடனே அந்த நாட்டு அரசு அங்கேயே வாழ்வதற்கான குடியுரிமையை வழங்கி விடுகிறது. ஏகப்பட்ட சலுகைகளை வழங்குகிறது. எப்படியாவது தங்கள் பூமியை உணவு உற்பத்தி களஞ்சியமாக மாற்ற துடியாய் துடிக்கிறது. 


இந்தியாவோ நிலங்களை எல்லாம் வீடுகளாக கட்டி கான்கிரீட் காடாக நாட்டை மாற்ற போட்டிப் போடுகிறது. மேலும், பஞ்சாப்பில் விவசாயத்திற்கு கூலியாட்கள் கிடைப்பதிலும் பெரும் பிரச்சினை இருக்கிறது. சரி வேளாண் இயந்திரங்களை பயன்படுத்தலாம் என்றால் அவர்களின் நிலம் எல்லாம் சிறிது சிறிதாக இருக்கிறது. அதனால் இயந்திர வேளாண்மையும் அவர்களுக்கு ஏற்றதாக இல்லை. இதுவும் அவர்கள் வெளியேற ஒரு காரணம். 


ஆனால், ஆஸ்திரேலியா அப்படியல்ல. அங்கு நிலங்கள் எல்லாம் மிக மிகப் பெரியவை. அங்கு இயந்திரம் இல்லாமல் விவசாயம் என்பதே சாத்தியம் இல்லாதது. விதைப்பது முதல் அறுப்பது வரை எல்லாமே இயந்திரங்கள் தான். பண்ணை இயந்திரங்களை வைத்தே எல்லா வேலையையும் முடித்துவிடலாம். காய்கறி மற்றும் பழவகைகள் பயிரிட ஏற்றதாக அந்த மண் இருக்கிறது. 


ஆஸ்திரேலியா விவசாயத்திற்கு ஏற்ற தேசம். விவசாயம் மட்டுமல்லாமல் அதன் உபதொழில்கள் ஆன பால் பண்ணை வைத்து, ஜெர்சி, ஹோல்ஸ்டீன், பிரீஸின் போன்ற உயர்ரக பசுக்களை வளர்க்கவும் ஏற்ற இடம். பஞ்சாபிகள் ஏற்கனவே கடுமையான உழைப்பாளிகள். கேட்கவா வேண்டும் தங்களின் சொந்த நிலங்களை விற்று விட்டு ஆஸ்திரேலியாவுக்கு பறக்கிறார்கள். இன்னும் கொஞ்ச காலத்தில் ஆஸ்திரேலியா ஒரு பெரிய பஞ்சாப்பாக மாறி உலக நாடுகள் அனைத்துக்கும் உணவளிக்கலாம்..! 





கருத்துகள்

  1. இது நமது நாட்டின் சீரழிவுக்கு வழி வகுக்குமே.... அந்த நாட்டை வளர்ப்பதற்கு நமது உழைப்பா ? இதற்கு அரசுதானே காரணம்
    த.ம. 2

    பதிலளிநீக்கு
    பதில்கள்
    1. வேதனையான உண்மைதான் நண்பரே!
      வருகைக்கும் கருத்துக்கும் நன்றி!

      நீக்கு
  2. அருமையான பகிர்வு

    உங்கள் பதிவுகளை இணையுங்கள்; நாம் மின்நூலாக்குகிறோம்!
    http://www.ypvnpubs.com/2016/04/blog-post_18.html

    பதிலளிநீக்கு
  3. ஆஸ்திரேலியாவில் நிலம் வாங்குபவர்களுக்கு உடனே ஆஸ்திரேலிய அரசு குடியுரிமையை வழங்குகிறது என்பது வியப்பான செய்தி. இனி நாம் பஞ்சாப் கோதுமைக்குப் பதிலாக ஆஸ்திரேலிய கோதுமையைத் தான் இறக்குமதி பண்ண வேண்டும்!

    பதிலளிநீக்கு
    பதில்கள்
    1. இனி அதிக விலைக்கு ஆஸ்திரேலியா கோதுமை தான் வாங்கவேண்டியிருக்கும்.
      வருகைக்கு நன்றி!

      நீக்கு
  4. இப்படித்தான் பின்னலாடைத் தொழில் திருப்பூரில் நசுங்கிப் போனதால் .தொழிலாளர்கள் பங்களாதேசுக்கு குடி பெயர்ந்தார்கள் .இப்போ .பஞ்சாப் விவசாயிகளுமா ?புதிய பொருளாதாரக் கொள்கை இந்தியாவை வாழவைக்கும் போல் தெரியவில்லையே !

    பதிலளிநீக்கு
    பதில்கள்
    1. அரசியல்வாதிகள் சுரண்டலை விட்டுவிட்டு நாட்டைப் பற்றி நினைத்து செயல்பட்டால் இது நல்ல திட்டமே! மற்ற வளர்ந்த நாடுகளுக்கு லாபமாக இருக்கும்போது இயற்கையை வியாபரமயமாய் மாற்றாமல் இருந்தால் தான் மனித இனம் வாழமுடியும்.

      நீக்கு
  5. இது போல் பிற நாடுகளிலும் வசதி இருக்கிறது - அமேரிக்கா உள்பட. ஆனால் அரசாங்கம் விற்பனைக்குத் தரும் நிலம் அவ்வளவு சுலபத்தில் விவசாயம் செய்யக்கூடியதாக இருக்காது.

    பதிலளிநீக்கு
    பதில்கள்
    1. நீங்கள் கூறுவதும் உண்மைதான் அய்யா! தங்கள் வருகைக்கு நன்றி!

      நீக்கு
  6. இந்தியாவில் அரசுக்கு விவசாயியின்
    வேதனை புரிந்திருந்தால்...
    ஆஸ்திரேலியாவுக்கு குடிபெயர்ந்திருக்க மாட்டார்கள்
    இந்திய விவசாயிகள்...

    பதிலளிநீக்கு
  7. இங்கும் அங்கும் - நல்ல அலசல். இந்தியர்கள் மீதான தாக்குதல் நடக்கும் இடத்தில் அவ்வளவு சுலபமாக நிலம் வாங்க விடுவார்களா?

    பதிலளிநீக்கு
  8. இருந்தும் என்ன செய்ய...பட்டினியால் மாண்டவர்கள் உலகில் குறையப் போவதில்லை...

    பதிலளிநீக்கு
  9. அதிர வைக்கும் உண்மை! அங்கு விவசாயத்திற்கு முக்கியத்துவம் தருகின்றனர். இங்கோ விவசாயத்தை குழியில் புதைக்கின்றனர். படங்களுடன் தகவல் பரிமாற்றம் சிறப்பு. என்னுடைய கதைகளை உங்கள் பத்திரிக்கையில் வெளியிட அனுமதி கோரினீர்கள் சில மாதங்கள் முன்பு. வெளியிட்டீர்களா? வெளியிட்டு இருந்தால் அவற்றின் பிரதிகளை எனக்கு அனுப்பி வைக்க முடியுமா? நன்றி!

    பதிலளிநீக்கு
    பதில்கள்
    1. தங்களின் இரண்டு கதைகளை மட்டும் வெளியிட்டோம் நண்பரே! இனி தேடி அனுப்புவது சற்று சிரமம். முடிந்தவரை முயற்சித்து அனுப்பி வைக்கிறேன்.
      வருகைக்கு நன்றி நண்பரே!

      நீக்கு
  10. ஆஸ்திரேலியா மட்டுமல்ல, கானடா அமெரிக்காவில் கூட பஞ்சாபிகள் நிறைய இருக்கின்றார்கள். குறிப்பாக கானடாவில். அங்கும் கூட விவசாயிகள் பெரிய பெரிய ஏக்கர் அளவில்தான் நிலங்கள் வைத்திருப்பார்கள். துண்டு நில விவசாயம் கிடையாது. அதே சமயம் அந்த நிலங்களில் யாருமே அதாவது அரசாங்க நிலமாக இருந்தால் எளிதில் வாங்கிட முடியாது. நம்மூர் மாதிரி ஏமாற்ற முடியாது. விவசாயமும் உட்பட

    மிக நல்ல பதிவு..

    இந்தக் கருத்தை அடித்து வைத்து இணையம் சரியாக வேலை செய்யாததால், போகாமல் இதோ இப்போது மீண்டும் இணையம் வரும் சிறு இடைவெளியில் வெளியிடுகிறோம். இணையம் இன்னும் சரியாகவில்லை..

    பதிலளிநீக்கு
    பதில்கள்
    1. பொதுவாக அந்த நாடுகளில் நிலம் அதிகம். மக்கள் குறைவு. அதனை ஈடு செய்ய இப்படியெல்லாம் செய்கிறார்கள்.
      வருகைக்கு நன்றி சகோ!

      நீக்கு
  11. புதிய செய்தி! இப்போதைக்கு ஆஸ்திரேலிய அரசு இதற்கு மறுப்பு சொல்லாவிடினும் பின்னால் அவர்களுக்கு வரப்போகும் ஒரு பிரச்சனைக்கு இது ஒரு ஆரம்பமாக இருக்கக் கூடும்!

    பதிலளிநீக்கு
    பதில்கள்
    1. கண்டிப்பாக ஒரு எதிர்வினை இருக்குமல்லவா..!
      தங்கள் வருகைக்கு நன்றி!

      நீக்கு
  12. ஆஸ்திரேலியா தங்க நாட்டை உணவு உற்பத்தி களஞ்சியமாக மாற்ற துடிக்கிறது.
    இந்தியாவோ நிலங்களை எல்லாம் வீடுகளாக கட்டி கான்கிரீட் காடாக நாட்டை மாற்ற போட்டி போடுகிறது.

    மக்கள் மனநிலை, நாட்டின் பேராபாயம் பற்றி அருமையாக சொல்லிவிட்டீர்கள்!

    பதிலளிநீக்கு
  13. அதிரவைக்கும் தகவல். பகிர்ந்தமைக்கு நன்றி!

    பதிலளிநீக்கு
  14. விவசாயிகள் ஆஸ்திரலியா இடப் பெயர்ச்சி புதிய தகவல்.
    நம் நாட்டு விவாயம் அழிந்து வருவது வேதனை.

    பதிலளிநீக்கு
    பதில்கள்
    1. வேதனைதான் நண்பரே!
      தங்கள் வருகைக்கு நன்றி!

      நீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

மூவாயிரம் ஆண்டுகளாக தொடரும் பெண்ணுறுப்பு சிதைவு

அந்த வீடு விழாக்கோலம் பூண்டிருந்தது. உறவினர்கள் வந்து கொண்டிருந்தார்கள். ஐந்து வயது சிறுமி நடக்கப் போகும் விபரீதம் தெரியாமல் விளையாடிக் கொண்டிருந்தாள். இன்று அவளுக்கு 'புனித சடங்கு'. இந்த சடங்கு அங்கு வாழும் 98% பெண்களுக்கு செய்யப்படுள்ளது. இது ஒரு கொடூரமான சடங்கு.
கேட்கவே மனம் பதைபதைக்கும் கொடூரம்! உலகம் எப்படி மூடநம்பிக்கையில் திளைத்திருக்கிறது என்பதற்கான நிகழ்கால உதாரணம்! இந்த வன்கொடுமை மூவாயிரம் வருடங்களாக நடந்து கொண்டிருக்கிறது என்பதுதான் கொடுமையிலும் கொடுமை.
பிரமிடுகளில் புதைந்திருந்த மம்மிகளில் கூட இந்த அடையாளம் காணப்படுகிறது. அதுதான் இந்த சடங்கு 3,000 ஆண்டுகள் பழமை  மிக்கது என்று உலகுக்கு காட்டுகிறது.
தற்போதும் கூட 28 ஆப்பிரிக்கா  நாடுகளில் இந்த பழக்கம் தலைமுறை தலைமுறையாக கடைபிடிக்கப்பட்டு வருகிறது. எகிப்து, எத்தியோப்பியா, சோமாலியா, சூடான் போன்ற நாடுகளில் 98% பெண்களுக்கு இந்த சடங்கு பெருமையோடு நடத்தப் பட்டிருக்கிறது.
இங்கு பெண்ணாகப் பிறந்த எல்லோருக்குமே கட்டாயமாக இதை செய்கிறார்கள். அப்படி செய்யாத பெண்கள் தீட்டு கழியாத புனிதமற்ற பெண்களாக கருதி வெறுத்து ஒதுக்குகிறார்கள்…

பைசா செலவில்லாமல் நான்கே நாட்களில் கிட்னி ஸ்டோனை கரைக்கும் அற்புத மூலிகை

யற்கை மனிதனுக்கு ஏற்படும் அரோக்கிய பிரச்சனைகளை தீர்த்து வைப்பதற்கென்றே பல அபூர்வ மூலிகைகளை படைத்திருக்கிறது. பழங்காலத்தில் இதை நன்கு உணர்ந்து நம் முன்னோர்கள் பயன்படுத்தினர். பின்னாளில் இதன் அருமையை மறந்தனர். அப்படி நாம் மறந்த ஓர் அபூர்வ மூலிகைப் பற்றி இங்கு நாம் பார்க்கப் போகிறோம். 

பத்து கோடி ரூபாய் விலையில் ஒரு காளை..!

பொதுவாக பால்தரும் விலங்கினங்களில் காளைகளுக்கு மதிப்பிருப்பதில்லை. பெண்ணினத்திற்கு மட்டுமே மதிப்புண்டு. ஆனால், இங்கொரு காளையை கொண்டாடுகிறார்கள். பொத்தி பொத்தி வளர்க்கிறார்கள். தினமும் 20 லிட்டர் பால், 5 கிலோ ஆப்பிள், 15 கிலோ காய்கறி வலிமையான மாட்டுத் தீவனம் என்று சாப்பிடச் சொல்லி திணிக்கிறார்கள். தீவனத்திற்காக மட்டும் ஒரு நாளைக்கு ரூ.2,500 செலவு செய்கிறார்கள். கொழுப்பு வைக்கக் கூடாது என்பதற்காக தினமும் 6 கி.மீ. வாக்கிங் கூட்டிப் போகிறார்கள். அதுவொரு 'முரா' இனத்தை சேர்ந்த எருது காளை. இன்றைய தேதியில் உலகிலேயே அதிக விலைமதிப்பு கொண்ட காளை இதுதான். இதன் மதிப்பு கிட்டத்தட்ட 10 கோடி ரூபாய். இந்த விலையில் ஒரு ஹெலிகாப்டர் வாங்கி பறக்கலாம். 
அப்படி என்னதான் இருக்கிறது இந்த காளையிடம். அந்த காளையின் நீளம் 11.5 அடி. உயரம் 5.8 அடி. 1,400 கிலோ எடை. காளையின் பெயர் யுவராஜ். அதன் உரிமையாளர் பெயர் கரம்வீர் சிங். ஹரியானா மாநிலத்தின் மூன்றாம் தலைமுறை விவசாயி. இந்த கிராமத்தின் பெயர் சுநேரியன். மஹாபாரதத்தில் குருஷேத்ரா யுத்தம் நடந்த இடம் இது  என்கிறார்கள்.  இந்த காளை தினமும் ரூ.2 லட்சம் வருமானத்தை தன…

செம்மரத்திற்கு காப்புரிமை கோரும் ஆந்திர அரசு

செம்மரத்திற்கும் தமிழர்களுக்குமான பந்தம் இன்று நேற்றல்ல, தலைமுறை தலைமுறையாக பாரம்பரியமாக தொன்றுத்தொட்டு வருகிறது என்று சொல்கிறார், சிவகங்கை மாவட்டம் ஆ.கருங்குளத்தை சேர்ந்த சாதனை விவசாயி எம்.முருகேசன். 
செம்மரம் வெட்டியதற்காக தமிழர்களை கொன்று குவித்த ஆந்திரா, இப்போது செம்மரத்திற்கு காப்புரிமை கேட்கிறது என்ற அதிர்ச்சி தகவலையும் அவர் வெளிப்படுத்துகிறார். அதோடு செம்மரம் என்பதை மற்ற மரங்களைப் போல் சாதாரணமாக வளர்க்க முடியாது. அதற்கு ஏகப்பட்ட வழிமுறைகள் இருக்கிறது. அந்த நடைமுறைகளையும், மரம் வளர்ந்தபின் அவற்றை வெட்டுவதற்கு மேற்கொள்ள வேண்டிய விதிமுறைகள் பற்றியும் தெளிவாக குறிப்பிடுகிறார்.

கும்கியை பயிற்றுவிக்கும் குரும்பர்கள் - 2

இந்தப் பதிவின் முதல் பகுதியை படிக்காதவர்கள் இங்கே சொடுக்கி படிக்கவும்..
கும்கியை பயிற்றுவிக்கும் குரும்பர்கள் - 1
காட்டு யானைகளுக்கு கரும்பு, வெல்லம் கொடுத்து பழக்கம்படுத்தும் அதே காலக்கட்டத்தில் யானைக்கென்று தேக்கு மரத்தால் செய்யப்பட்ட வலுவான கூண்டை தயார்ப்படுத்துவார்கள். அதற்குள் யானையை அடைத்து வைத்து வழிக்கு கொண்டுவர பயிற்சி கொடுப்பார்கள். இப்படியே இரண்டு மாதங்கள் ஓடிவிடும். அதற்குள் யானை கொஞ்சம் கொஞ்சமாக பாகனோடு சிநேகம் கொள்ளத் தொடங்கும்.



ஒரு யானை பாகனின் கட்டுப்பாட்டில் முழுமையாக வந்து விட்டது என்பதற்கான அடையாளம், அந்த யானையின் மீது பாகன் ஏறி அமர்வதுதான். முரட்டுப் பிடிவாதம் கொண்ட கும்கி யானைகள் சாமான்யத்தில் பாகன்களை மேலே அமரவிடாது. அதையும் மீறி அமர முயன்றால் துதிக்கையால் வளைத்துப் பிடித்து தூக்கி எரித்துவிடும். அல்லது தரையில் போட்டு மிதித்துவிடும். அதன்பின் பாகன் உயிரோடு இருப்பது முடியாத ஒன்றாகிவிடும். அதற்காகவே துதிக்கையை மேலே தூக்க முடியாதபடி கூண்டை அமைத்திருப்பார்கள்.
தினமும் கொஞ்சம் கொஞ்சமாக முயற்சி செய்து யானையை வழிக்கு கொண்டு வருவார்கள். அதன்பின் மேலே அமர்வார்கள். யானை ஒருவ…

LinkWithin

Related Posts Plugin for WordPress, Blogger...