முதன்மை உள்ளடக்கத்திற்குச் செல்

ஜி.எஸ்.எம். & சி.டி.எம்.ஏ. தொழில்நுட்பம்

ன்று நாம் பயன்படுத்தும் மொபைல்கள் இரண்டு வகையான தொழில்நுட்பத்தில் இயங்குகின்றன. ஒன்று ஜி.எஸ்.எம். தொழில்நுட்பம், மற்றொன்று சி.டி.எம்.ஏ. தொழில்நுட்பம். இதில் ஜி.எஸ்.எம். என்றால் 'குளோபல் சிஸ்டம் பார் மொபைல்'  என்றும், சி.டி.எம்.ஏ. என்றால் 'கோட் டிவிஷன்  மல்டிபிள் அக்சஸ்' என்றும் அர்த்தம். 

உலகம் முழுவதும் பரவலாக இருப்பது ஜி.எஸ்.எம். என்ற தொழில் நுட்பம்தான். இது ஐரோப்பிய நாடுகளின் கண்டுபிடிப்பு. சி.டி.எம்.ஏ. என்பது அமரிக்க தொழில் நுட்பம். இதை முதன்முதலில் ராணுவத்தில் மட்டுமே பயன்படுத்தினார்கள். 1980-க்கு பின் பொது உபயோகத்திற்கு கொண்டு வந்தார்கள். 


சி.டி.எம்.ஏ. தொழில்நுட்பம் ஜி.எஸ்.எம். தொழில்நுட்பத்தை விட பல வகைகளில் சிறந்தது. இந்த தொழில் நுட்பத்தில் குரல் தரம் கூடும். இரைச்சல் கொஞ்சமும் இருக்காது. வாடிக்கையாளர் பயணம் செய்து கொண்டே மொபைலில் பேசினாலும் சிக்னல் ஒரு டவரில் இருந்து ஒரு டவருக்கு மாறினாலும் அழைப்பு துண்டிக்கப்படாது. வலிமையான சிக்னல் என்பதால் தொடர் பயணத்திலும் தெளிவாக இருக்கும்.

ஜி.எஸ்.எம். தொழில்நுட்பத்தை விட இந்த தொழில்நுட்பத்தில் சிக்னல்கள் அதிக தூரம் வரை சென்றடையும். ஒரு பெரிய நகரம் முழுவதற்கும் 40 டவர்கள் இருந்தால் போதும். அதுவே ஜி.எஸ்.எம். என்றால் 200 டவர்களை அமைக்க வேண்டும். இதனால் சி.டி.எம்.ஏ. செலவு குறைவு. 

கட்டடங்களில் சாதாரண சிக்னல்கள் ஊடுருவி செல்வது கடினம். சி.டி.எம்.ஏ. தொழில் நுட்பத்தில் சிக்னல்கள் சுவர்களை ஊடுருவி செல்லும். பலவீனமடையாது. இதற்கு குறைந்த மின் சக்தியே போதும், அதனால், பேட்டரி அதிக நாட்களுக்கு வரும். சிறிய பேட்டரி போதும். அதனால், மொபைல் சிறியதாகவும் எடை குறைவாகவும் வடிவமைக்க முடியும். 


சி.டி.எம்.ஏ. தொழில்நுட்பத்தில் 'சிம் கார்ட்' கிடையாது. மொபைலின் உட்புறமே எண் பொறிக்கப்பட்டுவிடுகிறது. இதனால் எண்களை மாற்ற முடியாது. இந்த குறைபாடு காரணமாகவே ஒரு நல்ல தொழில்நுட்பம் இங்கு அதாவது இந்தியாவில் பிரபலமாக முடியாமல் போய்விட்டது. 

சி.டி.எம்.ஏ. தொழில்நுட்பத்தில் இயங்கி வந்த ரிலையன்ஸ், டாட்டா இண்டிகாம் போன்ற நிறுவனங்கள் கூட இப்போது ஜி.எஸ்.எம். தொழில்நுட்பத்துக்கு மாறிவிட்டன என்பதே இதற்கு சாட்சி.



கருத்துகள்

  1. அரிய தகவல்கள் நண்பரே பகிர்வுக்கு நன்றி
    த.ம.வ.போ

    பதிலளிநீக்கு
    பதில்கள்
    1. தங்கள் வருகைக்கும் வாக்குக்கும் கருத்துக்கும் மிக்க நன்றி நண்பரே !

      நீக்கு
  2. மக்கள் எவ்வழியோ ,நிறுவனங்களும் அவ்வழி சென்றுதானே ஆகணும் :)

    பதிலளிநீக்கு
  3. தெரிந்துகொள்ளவேண்டிய, இதுவரை நான் தெரிந்திராத தகவலை அறிந்தேன். நன்றி.

    பதிலளிநீக்கு
    பதில்கள்
    1. தங்கள் வருகைக்கும் கருத்துக்கும் நன்றி அய்யா!

      நீக்கு
  4. தகவலைப் பகிர்ந்தமைக்கு நன்றி! GSM என்பது 2G என்பதும், CDMA என்பது 3G என்பதும் சரியா?

    பதிலளிநீக்கு
    பதில்கள்
    1. இரண்டும் வெவ்வேறு வகையான தொழில்நுட்பங்கள். நீங்கள் சொல்வது அலைவரிசை.! இரண்டிலுமே 2ஜி, 3ஜி, 4ஜி போன்ற சக்தி வாய்ந்த அலைவரிசைகள் உண்டு.
      தங்கள் வருகைக்கும் கருத்துக்கும் நன்றி அய்யா!

      நீக்கு
  5. Cell phone ஐ நம் இஷ்டத்திற்கு, GSM போல மாற்றிக் கொள்ள இயலாது என்பதாலேே, CDMA, popular ஆகவில்லை. ஆனால், fixed WLL (BSNL கிராமங்கனில் வழங்கும்) சேவைகளில் CDMA பயன் படுகிறது. ஒரு தகவல்: CDMA க்கு முன்னால் TDMA (Time division multiple access) என்று ஒரு டெக்னாலஜி இருந்தது.

    பதிலளிநீக்கு
    பதில்கள்
    1. தங்களின் வருகைக்கும் சிறந்த தொழில்நுட்ப விவரங்களுக்கும் நன்றி அய்யா!

      நீக்கு
  6. Cell phone ஐ நம் இஷ்டத்திற்கு, GSM போல மாற்றிக் கொள்ள இயலாது என்பதாலேே, CDMA, popular ஆகவில்லை. ஆனால், fixed WLL (BSNL கிராமங்கனில் வழங்கும்) சேவைகளில் CDMA பயன் படுகிறது. ஒரு தகவல்: CDMA க்கு முன்னால் TDMA (Time division multiple access) என்று ஒரு டெக்னாலஜி இருந்தது.

    பதிலளிநீக்கு
    பதில்கள்
    1. தங்களின் வருகைக்கும் சிறந்த தொழில்நுட்ப விவரங்களுக்கும் நன்றி அய்யா!

      நீக்கு
  7. திரு நடனசபாபதி அவர்கட்கு, 2G 3G 4G (LTE) என்பது bandwidths. 2G (Commonly known as GPRS) is much slower than 3G. 3G is slower than 4G.

    பதிலளிநீக்கு
    பதில்கள்
    1. தங்களின் மேலான விவரங்களுக்கு மேலும் நன்றிகள் அய்யா!

      நீக்கு
  8. சிறிய குறைபாட்டினால் நல்லதொரு தொழில்நுட்பம் பயன்பாடு குறைந்து போனது வருத்தமான ஒன்று!

    பதிலளிநீக்கு
  9. அருமை சகோ. சிடிஎம்ஏ தொழில் நுட்ப ப்ராஜக்ட் ஒன்றில் கணவரின் தொழில்நுட்பம் வேண்டும் என ஒரு ப்ராஜெக்ட் வந்து பின்னர் அது வொர்கவுட் ஆகாததால் நின்று போனது. நல்ல தொழில்நுட்பம் ஆனால் இங்கு அது வெற்றி பெற வில்லை என்பது கொஞ்சம் வருத்தத்திற்குரியதுதான். நான் முதலில் அதைப் பற்றி எழுதலாம் என்று நினைத்தேன் ஆனால் வீட்டில் அதற்கு அனுமதி இல்லாததால் எழுதவில்லை.

    கீதா

    பதிலளிநீக்கு
  10. பல புதிய வசதிகளுடன், புதிய வேகத்துடன், புதிய‌ தமிழன் திரட்டி பதிவுகளை சுலபமாக இணைக்கலாம் (http://www.tamiln.in)

    பதிலளிநீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

மூவாயிரம் ஆண்டுகளாக தொடரும் பெண்ணுறுப்பு சிதைவு

அந்த வீடு விழாக்கோலம் பூண்டிருந்தது. உறவினர்கள் வந்து கொண்டிருந்தார்கள். ஐந்து வயது சிறுமி நடக்கப் போகும் விபரீதம் தெரியாமல் விளையாடிக் கொண்டிருந்தாள். இன்று அவளுக்கு 'புனித சடங்கு'. இந்த சடங்கு அங்கு வாழும் 98% பெண்களுக்கு செய்யப்படுள்ளது. இது ஒரு கொடூரமான சடங்கு.
கேட்கவே மனம் பதைபதைக்கும் கொடூரம்! உலகம் எப்படி மூடநம்பிக்கையில் திளைத்திருக்கிறது என்பதற்கான நிகழ்கால உதாரணம்! இந்த வன்கொடுமை மூவாயிரம் வருடங்களாக நடந்து கொண்டிருக்கிறது என்பதுதான் கொடுமையிலும் கொடுமை.
பிரமிடுகளில் புதைந்திருந்த மம்மிகளில் கூட இந்த அடையாளம் காணப்படுகிறது. அதுதான் இந்த சடங்கு 3,000 ஆண்டுகள் பழமை  மிக்கது என்று உலகுக்கு காட்டுகிறது.
தற்போதும் கூட 28 ஆப்பிரிக்கா  நாடுகளில் இந்த பழக்கம் தலைமுறை தலைமுறையாக கடைபிடிக்கப்பட்டு வருகிறது. எகிப்து, எத்தியோப்பியா, சோமாலியா, சூடான் போன்ற நாடுகளில் 98% பெண்களுக்கு இந்த சடங்கு பெருமையோடு நடத்தப் பட்டிருக்கிறது.
இங்கு பெண்ணாகப் பிறந்த எல்லோருக்குமே கட்டாயமாக இதை செய்கிறார்கள். அப்படி செய்யாத பெண்கள் தீட்டு கழியாத புனிதமற்ற பெண்களாக கருதி வெறுத்து ஒதுக்குகிறார்கள்…

பைசா செலவில்லாமல் நான்கே நாட்களில் கிட்னி ஸ்டோனை கரைக்கும் அற்புத மூலிகை

யற்கை மனிதனுக்கு ஏற்படும் அரோக்கிய பிரச்சனைகளை தீர்த்து வைப்பதற்கென்றே பல அபூர்வ மூலிகைகளை படைத்திருக்கிறது. பழங்காலத்தில் இதை நன்கு உணர்ந்து நம் முன்னோர்கள் பயன்படுத்தினர். பின்னாளில் இதன் அருமையை மறந்தனர். அப்படி நாம் மறந்த ஓர் அபூர்வ மூலிகைப் பற்றி இங்கு நாம் பார்க்கப் போகிறோம். 

பத்து கோடி ரூபாய் விலையில் ஒரு காளை..!

பொதுவாக பால்தரும் விலங்கினங்களில் காளைகளுக்கு மதிப்பிருப்பதில்லை. பெண்ணினத்திற்கு மட்டுமே மதிப்புண்டு. ஆனால், இங்கொரு காளையை கொண்டாடுகிறார்கள். பொத்தி பொத்தி வளர்க்கிறார்கள். தினமும் 20 லிட்டர் பால், 5 கிலோ ஆப்பிள், 15 கிலோ காய்கறி வலிமையான மாட்டுத் தீவனம் என்று சாப்பிடச் சொல்லி திணிக்கிறார்கள். தீவனத்திற்காக மட்டும் ஒரு நாளைக்கு ரூ.2,500 செலவு செய்கிறார்கள். கொழுப்பு வைக்கக் கூடாது என்பதற்காக தினமும் 6 கி.மீ. வாக்கிங் கூட்டிப் போகிறார்கள். அதுவொரு 'முரா' இனத்தை சேர்ந்த எருது காளை. இன்றைய தேதியில் உலகிலேயே அதிக விலைமதிப்பு கொண்ட காளை இதுதான். இதன் மதிப்பு கிட்டத்தட்ட 10 கோடி ரூபாய். இந்த விலையில் ஒரு ஹெலிகாப்டர் வாங்கி பறக்கலாம். 
அப்படி என்னதான் இருக்கிறது இந்த காளையிடம். அந்த காளையின் நீளம் 11.5 அடி. உயரம் 5.8 அடி. 1,400 கிலோ எடை. காளையின் பெயர் யுவராஜ். அதன் உரிமையாளர் பெயர் கரம்வீர் சிங். ஹரியானா மாநிலத்தின் மூன்றாம் தலைமுறை விவசாயி. இந்த கிராமத்தின் பெயர் சுநேரியன். மஹாபாரதத்தில் குருஷேத்ரா யுத்தம் நடந்த இடம் இது  என்கிறார்கள்.  இந்த காளை தினமும் ரூ.2 லட்சம் வருமானத்தை தன…

செம்மரத்திற்கு காப்புரிமை கோரும் ஆந்திர அரசு

செம்மரத்திற்கும் தமிழர்களுக்குமான பந்தம் இன்று நேற்றல்ல, தலைமுறை தலைமுறையாக பாரம்பரியமாக தொன்றுத்தொட்டு வருகிறது என்று சொல்கிறார், சிவகங்கை மாவட்டம் ஆ.கருங்குளத்தை சேர்ந்த சாதனை விவசாயி எம்.முருகேசன். 
செம்மரம் வெட்டியதற்காக தமிழர்களை கொன்று குவித்த ஆந்திரா, இப்போது செம்மரத்திற்கு காப்புரிமை கேட்கிறது என்ற அதிர்ச்சி தகவலையும் அவர் வெளிப்படுத்துகிறார். அதோடு செம்மரம் என்பதை மற்ற மரங்களைப் போல் சாதாரணமாக வளர்க்க முடியாது. அதற்கு ஏகப்பட்ட வழிமுறைகள் இருக்கிறது. அந்த நடைமுறைகளையும், மரம் வளர்ந்தபின் அவற்றை வெட்டுவதற்கு மேற்கொள்ள வேண்டிய விதிமுறைகள் பற்றியும் தெளிவாக குறிப்பிடுகிறார்.

கும்கியை பயிற்றுவிக்கும் குரும்பர்கள் - 2

இந்தப் பதிவின் முதல் பகுதியை படிக்காதவர்கள் இங்கே சொடுக்கி படிக்கவும்..
கும்கியை பயிற்றுவிக்கும் குரும்பர்கள் - 1
காட்டு யானைகளுக்கு கரும்பு, வெல்லம் கொடுத்து பழக்கம்படுத்தும் அதே காலக்கட்டத்தில் யானைக்கென்று தேக்கு மரத்தால் செய்யப்பட்ட வலுவான கூண்டை தயார்ப்படுத்துவார்கள். அதற்குள் யானையை அடைத்து வைத்து வழிக்கு கொண்டுவர பயிற்சி கொடுப்பார்கள். இப்படியே இரண்டு மாதங்கள் ஓடிவிடும். அதற்குள் யானை கொஞ்சம் கொஞ்சமாக பாகனோடு சிநேகம் கொள்ளத் தொடங்கும்.



ஒரு யானை பாகனின் கட்டுப்பாட்டில் முழுமையாக வந்து விட்டது என்பதற்கான அடையாளம், அந்த யானையின் மீது பாகன் ஏறி அமர்வதுதான். முரட்டுப் பிடிவாதம் கொண்ட கும்கி யானைகள் சாமான்யத்தில் பாகன்களை மேலே அமரவிடாது. அதையும் மீறி அமர முயன்றால் துதிக்கையால் வளைத்துப் பிடித்து தூக்கி எரித்துவிடும். அல்லது தரையில் போட்டு மிதித்துவிடும். அதன்பின் பாகன் உயிரோடு இருப்பது முடியாத ஒன்றாகிவிடும். அதற்காகவே துதிக்கையை மேலே தூக்க முடியாதபடி கூண்டை அமைத்திருப்பார்கள்.
தினமும் கொஞ்சம் கொஞ்சமாக முயற்சி செய்து யானையை வழிக்கு கொண்டு வருவார்கள். அதன்பின் மேலே அமர்வார்கள். யானை ஒருவ…

LinkWithin

Related Posts Plugin for WordPress, Blogger...