முதன்மை உள்ளடக்கத்திற்குச் செல்

இவர் இல்லையென்றால் செயற்கை சுவாசம் இல்லை

ஃபோரெஸ்ட் மார்ட்டன் பேர்ட் என்பதுதான் அவரின் பெயர். 1921 ஜூன் 9-ல் பிறந்தார். அவரொரு விமானி. தனது தந்தையின் விருப்பத்தினால் 14-வது வயதிலேயே விமானம் ஓட்ட கற்றுக்கொண்டார். விமானம் ஓட்டுவதில் அதீத திறமையும் ஈடுபாடும் அவருக்கிருந்தது. அதனால் இவரை இரண்டாம் உலகப் போர் நடைபெற்ற காலத்தில் விமான ஓட்டிகளுக்கும் விமானங்களுக்குமான தொழில் நுட்ப வல்லுனராக நியமித்தனர். இந்த வேலை மூலம் பேர்டுக்கு பல்வேறு விமானங்களை ஒட்டிப்பார்க்கும் வாய்ப்பு கிடைத்தது.

விமானியாக பேர்ட் 
நவீன ரக விமானங்கள் சில மிக உயரத்தில் பறக்கும் விதமாக வடிவமைக்கப் பட்டிருந்தன. உயரம் செல்லச் செல்ல ஆக்சிஜன் அளவு குறையும் என்பது இயற்கை நியதி. அதனடிப்படையில் இத்தகைய விமானங்களை இயக்கும் விமானிகள் குறிப்பிட்ட உயரத்திற்கு மேல் விமானத்தில் பறக்கும் போது மூச்சு விடுதலில் சிரமமும், மூச்சுத் திணறலும் ஏற்படுவதாக கூறினார்கள். அதை சரி செய்ய என்ன செய்யலாம் என்று யோசித்தபோது அவர் சிந்தனையில் உருவானதுதான் செயற்கை சுவாசக் கருவி.

செயற்கை சுவாசக் கருவியுடன் பேர்ட் 
அந்தக் கருவியை கண்டுபிடிப்பதற்கு முன் மனிதனின் சுவாச அமைப்பைப் பற்றி தெரிந்து கொள்ள நினைத்தார். விமானியாக இருந்து கொண்டு இதைப் பற்றி தெரிந்துக் கொள்ள முடியாது என்பதால் தான் வகித்த மிக உயர்ந்த பதவியை துறந்து, மருத்துவக் கல்லூரியில் மருத்துவப் படிப்பு படிக்கும் மாணவராக சேர்ந்தார். 

அதன்மூலம் மனித உடல் இயங்கும் முறையையும் அது சுவாசிக்கும் முறையையும் அப்படி சுவாசிக்க தேவையான வேதியல் பொருட்களையும் கற்றுக்கொண்டார். அதன் விளைவாக செயற்கை சுவாசக் கருவி கண்டுபிடிக்கப்பட்டது.

ஒபாமாவுடன் பேர்ட் 
அதற்கு 'பேர்ட்' என்ற தனது பெயரையே வைத்தார். ஆனாலும் இந்தக் கருவியை சோதனை முறையாக பயன்படுத்திப் பார்க்க எந்த விமானியும் முன்வரவில்லை. அதனால் மூச்சு திணறலால் கடுமையாக பாதிக்கப்பட்ட செயற்கை சுவாசம் கொடுத்தால் மட்டுமே உயிர்பிழைக்க முடியும் என்ற நிலையிலுள்ள தீவிரமான நோயாளிகளுக்கு பயன்படுத்திப் பார்த்தார்கள். பரிசோதனை முயற்சியே பிரமாண்ட வெற்றி. முதல் சோதனையிலே ஏராளமான உயிர்கள் காப்பாற்றப்பட்டன. மூச்சுத் திணறலால் உயிரை விட இருந்த பல நோயாளிகள் மீண்டும் வாழ்க்கை பெற்றார்கள்.

பேர்ட் ஆக்சிஜன் பிரீத்திங் எக்யுப்மென்ட்
விமானிகளின் மூச்சுத்திணறலை சரிசெய்ய உருவாக்கப்பட்ட செயற்கை சுவாசக் கருவி உயிர் காக்கும் கருவியாக மாறியது. 1967-ல் 'பேர்ட் ஆக்சிஜன் பிரீத்திங் எக்யுப்மென்ட்' என்ற பெயரில் சொந்த நிறுவனம் ஒன்றை ஆரம்பித்து, தனது கருவியை சந்தைப் படுத்தினார். 1972 இல் பிறந்த உடனே மூச்சுத்திணறல் ஏற்பட்டு இறந்துபோகும் குழந்தைகளின் உயிரைக்காக்கும் அளவிற்கு அவரது இயந்திரம் மேம்படுத்தப்பட்டது.

1980-களில் தொடர்ச்சியாக மேற்கொண்ட பல ஆய்வுகளின் விளைவாக மேம்படுத்தப்பட்ட 'நவீன வென்டிலேட்டர்' சாதனம் உருவாக்கப்பட்டது. இது செயற்கை சுவாசத்திற்கு மட்டுமல்லாமல், அசுத்த ரத்தத்தை சுத்திகரிக்கும் கருவியாகவும் பயன்பட்டது. மருத்துவ உலகில் அதிகளவில் உற்பத்தி செய்யப்பட்ட கருவிகளில் பேர்டின் வெண்டிலெட்டரும் ஒன்று.

மூன்றாவது மனைவி பமீலா ரிட்டிலுடன் பேர்ட்
மனிதர்களின் சுவாசப் பிரச்சனைக்கு தீர்வு கண்டதால் இவருக்கு 'செயற்கை சுவாசத்தின் தந்தை' என்று பட்டம் மருத்துவ துறையால் வழங்கப்பட்டது. மூன்று மனைவிகள் மற்றும் ஒரு மகளுடன் பிரமாதமாக வாழ்ந்த பேர்ட், தனது 94-வது வயதில் 2015 ஆகஸ்ட் 2-ல் மரணமடைந்தார். 



கருத்துகள்

  1. சிறந்த கருப்பொருள் கொண்ட
    அறிவியல் பதிவு - இப்பதிவு
    மாணவர்களுக்குச் சிறந்தது.
    அறிவியல் வரலாறு
    எல்லோரும் அறிந்திருப்பது நன்று

    பதிலளிநீக்கு
    பதில்கள்
    1. முதல் வருகைக்கும் கருத்துக்கும் நன்றி நண்பரே!

      நீக்கு
  2. #மூன்று மனைவியுடன் பிரமாதமாக வாழ்ந்த பேர்ட் #
    உங்களுக்கேன் இந்த பொறாமை ?பல்லு இருக்கிறவன் பக்கோடா சாப்பிட்டு போகட்டுமே :)

    பதிலளிநீக்கு
    பதில்கள்
    1. புகழ், பணம், பெருமை, விருது என்று எல்லாமே வாழும்போதே ஒரு கண்டுபிடிப்பாலருக்கு கிடைப்பது கொஞ்சம் அபூர்வம். இவருக்கு எல்லாமே கிடைத்திருக்கிறது. அதைதான் பிரமாதம் என்று சொன்னேனே தவிர மூன்று மனைவிகளை அல்ல. அதுவொன்றும் பெரிய சாதனையும் இல்லை.
      வருகைக்கு நன்றி!

      நீக்கு
  3. பேர்ட் கண்டுபிடித்த கருவியால் பலரின் வாழ்க்கை காப்பாற்றப்பட்டதில் மகிழ்ச்சி! சிறந்த பதிவு! நன்றி!

    பதிலளிநீக்கு
  4. அரிய தகவல்தான் நண்பரே
    மூன்று மனைவிகள் இருந்தும் ஒரு மகள்தானா ?
    த.ம.வ.போ

    பதிலளிநீக்கு
    பதில்கள்
    1. வருகைக்கும் வாக்குக்கும் நன்றி நண்பரே!

      நீக்கு
  5. அருமையான ஒரு கண்டுபிடிப்பு.. அதற்காக எவ்வளவு மெனக்கெட்டிருக்கிறார் இம்மாமனிதர்.. பேர்ட் பற்றிய அரிய தகவல்களை அறியத் தந்த உங்களுக்கு மிகவும் நன்றி செந்தில்.

    பதிலளிநீக்கு
    பதில்கள்
    1. மாமனிதர்தான். ராணுவத்தில் உயர் பதவியை அடைந்து, அதை துறந்து, அதன்பின் டாக்டருக்குப் படித்து, அதன்பின் கண்டுபிடிப்பாளரானது, அதிலும் பணம் சம்பாதித்து பெரும் புகழ் அடைந்தது என எல்லாமே சாதனைதான்.
      தங்கள் வருகைக்கும் கருத்துக்கும் நன்றி கீதா!

      நீக்கு
  6. எத்தனை பேருக்கு அவர் கண்டுபிடிப்பு பயன்படுகிறது...... நிச்சயம் சாதனை மனிதர் தான்.

    பதிலளிநீக்கு
    பதில்கள்
    1. தங்கள் வருகைக்கும் கருத்துக்கும் நன்றி வெங்கட்ஜி!

      நீக்கு
  7. உண்மையில் இவருக்கு ‘உயிர் காத்த உத்தமர்’ என்ற பட்டம் தரலாம். அருமையான தகவலைப் பகிர்ந்தமைக்கு நன்றி!

    பதிலளிநீக்கு
    பதில்கள்
    1. தங்கள் வருகைக்கும் கருத்துக்கும் மிக்க நன்றி அய்யா !

      நீக்கு
  8. அருமையான தகவல். எத்தனை பேருக்கு இன்று உதவிக் கொண்டிருக்கின்றது. அபாரமான சாதனை வெற்றி...

    பதிலளிநீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

மூவாயிரம் ஆண்டுகளாக தொடரும் பெண்ணுறுப்பு சிதைவு

அந்த வீடு விழாக்கோலம் பூண்டிருந்தது. உறவினர்கள் வந்து கொண்டிருந்தார்கள். ஐந்து வயது சிறுமி நடக்கப் போகும் விபரீதம் தெரியாமல் விளையாடிக் கொண்டிருந்தாள். இன்று அவளுக்கு 'புனித சடங்கு'. இந்த சடங்கு அங்கு வாழும் 98% பெண்களுக்கு செய்யப்படுள்ளது. இது ஒரு கொடூரமான சடங்கு.
கேட்கவே மனம் பதைபதைக்கும் கொடூரம்! உலகம் எப்படி மூடநம்பிக்கையில் திளைத்திருக்கிறது என்பதற்கான நிகழ்கால உதாரணம்! இந்த வன்கொடுமை மூவாயிரம் வருடங்களாக நடந்து கொண்டிருக்கிறது என்பதுதான் கொடுமையிலும் கொடுமை.
பிரமிடுகளில் புதைந்திருந்த மம்மிகளில் கூட இந்த அடையாளம் காணப்படுகிறது. அதுதான் இந்த சடங்கு 3,000 ஆண்டுகள் பழமை  மிக்கது என்று உலகுக்கு காட்டுகிறது.
தற்போதும் கூட 28 ஆப்பிரிக்கா  நாடுகளில் இந்த பழக்கம் தலைமுறை தலைமுறையாக கடைபிடிக்கப்பட்டு வருகிறது. எகிப்து, எத்தியோப்பியா, சோமாலியா, சூடான் போன்ற நாடுகளில் 98% பெண்களுக்கு இந்த சடங்கு பெருமையோடு நடத்தப் பட்டிருக்கிறது.
இங்கு பெண்ணாகப் பிறந்த எல்லோருக்குமே கட்டாயமாக இதை செய்கிறார்கள். அப்படி செய்யாத பெண்கள் தீட்டு கழியாத புனிதமற்ற பெண்களாக கருதி வெறுத்து ஒதுக்குகிறார்கள்…

பைசா செலவில்லாமல் நான்கே நாட்களில் கிட்னி ஸ்டோனை கரைக்கும் அற்புத மூலிகை

யற்கை மனிதனுக்கு ஏற்படும் அரோக்கிய பிரச்சனைகளை தீர்த்து வைப்பதற்கென்றே பல அபூர்வ மூலிகைகளை படைத்திருக்கிறது. பழங்காலத்தில் இதை நன்கு உணர்ந்து நம் முன்னோர்கள் பயன்படுத்தினர். பின்னாளில் இதன் அருமையை மறந்தனர். அப்படி நாம் மறந்த ஓர் அபூர்வ மூலிகைப் பற்றி இங்கு நாம் பார்க்கப் போகிறோம். 

பத்து கோடி ரூபாய் விலையில் ஒரு காளை..!

பொதுவாக பால்தரும் விலங்கினங்களில் காளைகளுக்கு மதிப்பிருப்பதில்லை. பெண்ணினத்திற்கு மட்டுமே மதிப்புண்டு. ஆனால், இங்கொரு காளையை கொண்டாடுகிறார்கள். பொத்தி பொத்தி வளர்க்கிறார்கள். தினமும் 20 லிட்டர் பால், 5 கிலோ ஆப்பிள், 15 கிலோ காய்கறி வலிமையான மாட்டுத் தீவனம் என்று சாப்பிடச் சொல்லி திணிக்கிறார்கள். தீவனத்திற்காக மட்டும் ஒரு நாளைக்கு ரூ.2,500 செலவு செய்கிறார்கள். கொழுப்பு வைக்கக் கூடாது என்பதற்காக தினமும் 6 கி.மீ. வாக்கிங் கூட்டிப் போகிறார்கள். அதுவொரு 'முரா' இனத்தை சேர்ந்த எருது காளை. இன்றைய தேதியில் உலகிலேயே அதிக விலைமதிப்பு கொண்ட காளை இதுதான். இதன் மதிப்பு கிட்டத்தட்ட 10 கோடி ரூபாய். இந்த விலையில் ஒரு ஹெலிகாப்டர் வாங்கி பறக்கலாம். 
அப்படி என்னதான் இருக்கிறது இந்த காளையிடம். அந்த காளையின் நீளம் 11.5 அடி. உயரம் 5.8 அடி. 1,400 கிலோ எடை. காளையின் பெயர் யுவராஜ். அதன் உரிமையாளர் பெயர் கரம்வீர் சிங். ஹரியானா மாநிலத்தின் மூன்றாம் தலைமுறை விவசாயி. இந்த கிராமத்தின் பெயர் சுநேரியன். மஹாபாரதத்தில் குருஷேத்ரா யுத்தம் நடந்த இடம் இது  என்கிறார்கள்.  இந்த காளை தினமும் ரூ.2 லட்சம் வருமானத்தை தன…

செம்மரத்திற்கு காப்புரிமை கோரும் ஆந்திர அரசு

செம்மரத்திற்கும் தமிழர்களுக்குமான பந்தம் இன்று நேற்றல்ல, தலைமுறை தலைமுறையாக பாரம்பரியமாக தொன்றுத்தொட்டு வருகிறது என்று சொல்கிறார், சிவகங்கை மாவட்டம் ஆ.கருங்குளத்தை சேர்ந்த சாதனை விவசாயி எம்.முருகேசன். 
செம்மரம் வெட்டியதற்காக தமிழர்களை கொன்று குவித்த ஆந்திரா, இப்போது செம்மரத்திற்கு காப்புரிமை கேட்கிறது என்ற அதிர்ச்சி தகவலையும் அவர் வெளிப்படுத்துகிறார். அதோடு செம்மரம் என்பதை மற்ற மரங்களைப் போல் சாதாரணமாக வளர்க்க முடியாது. அதற்கு ஏகப்பட்ட வழிமுறைகள் இருக்கிறது. அந்த நடைமுறைகளையும், மரம் வளர்ந்தபின் அவற்றை வெட்டுவதற்கு மேற்கொள்ள வேண்டிய விதிமுறைகள் பற்றியும் தெளிவாக குறிப்பிடுகிறார்.

கும்கியை பயிற்றுவிக்கும் குரும்பர்கள் - 2

இந்தப் பதிவின் முதல் பகுதியை படிக்காதவர்கள் இங்கே சொடுக்கி படிக்கவும்..
கும்கியை பயிற்றுவிக்கும் குரும்பர்கள் - 1
காட்டு யானைகளுக்கு கரும்பு, வெல்லம் கொடுத்து பழக்கம்படுத்தும் அதே காலக்கட்டத்தில் யானைக்கென்று தேக்கு மரத்தால் செய்யப்பட்ட வலுவான கூண்டை தயார்ப்படுத்துவார்கள். அதற்குள் யானையை அடைத்து வைத்து வழிக்கு கொண்டுவர பயிற்சி கொடுப்பார்கள். இப்படியே இரண்டு மாதங்கள் ஓடிவிடும். அதற்குள் யானை கொஞ்சம் கொஞ்சமாக பாகனோடு சிநேகம் கொள்ளத் தொடங்கும்.



ஒரு யானை பாகனின் கட்டுப்பாட்டில் முழுமையாக வந்து விட்டது என்பதற்கான அடையாளம், அந்த யானையின் மீது பாகன் ஏறி அமர்வதுதான். முரட்டுப் பிடிவாதம் கொண்ட கும்கி யானைகள் சாமான்யத்தில் பாகன்களை மேலே அமரவிடாது. அதையும் மீறி அமர முயன்றால் துதிக்கையால் வளைத்துப் பிடித்து தூக்கி எரித்துவிடும். அல்லது தரையில் போட்டு மிதித்துவிடும். அதன்பின் பாகன் உயிரோடு இருப்பது முடியாத ஒன்றாகிவிடும். அதற்காகவே துதிக்கையை மேலே தூக்க முடியாதபடி கூண்டை அமைத்திருப்பார்கள்.
தினமும் கொஞ்சம் கொஞ்சமாக முயற்சி செய்து யானையை வழிக்கு கொண்டு வருவார்கள். அதன்பின் மேலே அமர்வார்கள். யானை ஒருவ…

LinkWithin

Related Posts Plugin for WordPress, Blogger...