வெள்ளி, நவம்பர் 17, 2017

மர்மமான தீவு முழுவதும் மிரட்டும் பொம்மைகள்



சுற்றுலாவில் எப்போதும் விசித்திரமான இடங்களுக்கு முக்கியத்துவம் உண்டு. அதிலும் புதிரான இடங்கள் தனி கவனம் பெறும். அப்படியொரு இடம்தான் இந்தத் தீவும். இந்த தீவுக்கு எப்படி பொம்மைகள் வந்தன என்பதற்கு பின்னால் ஒரு சுவாரசியமான வரலாறு இருக்கிறது. அதனை இந்தக் காணொலி விளக்குகிறது. 

ஞாயிறு, நவம்பர் 12, 2017

உலகில் மிக நீண்ட ஆயுள் கொண்ட மக்கள் இவர்கள்தான்



லகத்தில் அதிக வாழ்நாள் கொண்ட மக்கள் ஜப்பான் போன்ற நாடுகளில் இருக்கிறார்கள். ஆனால், அவர்களைவிட அதிக ஆயுள் கொண்டவர்கள் இந்த மக்கள். இவர்களின் நீண்ட ஆயுளுக்கான காரணத்தை இந்தக் காணொலி சொல்கிறது. 

சனி, நவம்பர் 11, 2017

நான்காம் ஆண்டில் 'கூட்டாஞ்சோறு'


ந்த ஆண்டு கொஞ்சம் வலைபூவை விட்டு சற்று தூரமாக இருந்த ஆண்டாக சொல்லலாம். இந்த ஆண்டு முழுவதுமே அவ்வப்போதுதான் கூட்டாஞ்சோறுக்கு வரமுடிந்தது. அதற்கு காரணம் நான் புதிதாக ஆரம்பித்திருக்கும் யூ-டுயூப் சேனல்தான். அதன் மீது அதிக கவனம் செலுத்தியதால் வலைப்பக்கம் வரமுடியவில்லை. 


புதன், நவம்பர் 01, 2017

பாம்புக்கு பால் வார்ப்பதன் பின்னுள்ள ரகசியம்



மது முன்னோர்கள் கடைபிடித்த பழக்கங்கள் பல மூடநம்பிக்கையாக தெரிந்தாலும் சிலவற்றில் ஆழமான காரணமும் அர்த்தங்களும் நிறைந்துள்ளன. எல்லாவற்றையும் மூடநம்பிக்கை என்று ஒதுக்கிவிட முடியாது. 

சிங்கப்பூர்: மெரினா பே சாண்ட்ஸ் - உல்லாசத்தின் பிரமாண்டம்



பணம் படைத்தவர்களுக்கென்றே தனி உலகம் இருக்கிறது. அந்த உலகில் பணம்தான் எல்லாவற்றையும் பேசும். சிங்கப்பூரில் இருக்கும் இந்த மெரினா பே சாண்ட்ஸும் அதில் ஒன்று. இங்கு சுற்றுலாப் பயணிகள் உல்லாசம் அனுபவிக்க என்னென்ன இருக்கிறது என்பதை இந்த காணொலி சொல்கிறது.

திங்கள், அக்டோபர் 30, 2017

குளிர்காலத்தில் சுற்றுலா செல்ல இதெல்லாம் இருக்கணும்


கோடை காலத்தில் சுற்றுலா செல்வது பெரிய விஷயமில்லை. ஆனால் குளிர்காலத்தில் சுற்றுலா செல்வதற்கு நிறைய மெனக்கெட வேண்டும். ஆரோக்கியத்தின் மீது அதிக அக்கறை செலுத்த வேண்டும். அதனால் நமது மக்கள் பெரும்பாலும் குளிர்கால சுற்றுலாவை தவிர்த்து விடுகிறார்கள்.

ஞாயிறு, அக்டோபர் 29, 2017

நாகப்பாம்பு கக்கும் நாகரத்தினக் கல்லில் ஒளிந்திருக்கும் மர்மங்கள்


                              

பொதுவாகவே பாம்புகளைப் பற்றி ஏகப்பட்ட கதைகள் இருக்கின்றன. அதிலும் நாகப்பாம்பு என்றால் கொஞ்சம் அதிகமாகவே இருக்கும். நாகப்பாம்பு என்றதும் அது கிட்டத்தட்ட 20 வருடங்களாக யாரையும் தீண்டாமல் சேர்த்து வைத்த விஷத்தை நாகரத்தினைக் கல்லாக கக்கும் விசித்திரம் இந்த பாம்புக்கு மட்டுமே சொந்தமானது.  இந்த நாகரத்தினம் தானாகவே ஒளி தரக்கூடியது. அதனால் அமாவாசை இருட்டில் நாகப்பாம்பு தன்னுடைய வயோகத்தில் இதன் வெளிச்சத்தில் இரை தேடும். பாம்புக்கு பயன்படும் இந்த ரத்தினக்கல்லை மனிதன் வைத்திருந்தால், அவன் மிகப் பெரிய உயரத்தை அடைவான். அவனை நோய்கள் அண்டாது. தீயசக்திகள் கண் காணா தூரத்துக்குப் போய்விடும்.

சனி, அக்டோபர் 28, 2017

அடுத்த 100 ஆண்டுகளில் தமிழ் மொழி அழியும்




உலகின் மிகப் பழமையான மொழி. மனித இனம் முதன் முதலில் பேசியதாக சொல்லப்படும் ஒரு மொழி இன்றைய நவீன கணினி யுகத்துக்கு ஈடு கொடுத்து நிற்கும் வல்லமை பெற்ற மொழியாக திகழ்கிறது. இத்தனை பெருமை மிகு மொழி தமிழர்களின் அலட்சியத்தாலும் ஆங்கிலத்தின் மீதுள்ள அளப்பரிய மோகத்தாலும் தானாகவே அழியும் என்கிறார்கள் ஆய்வாளர்கள். அதனைப் பற்றிய ஒரு காணொலி இது.



வெள்ளி, அக்டோபர் 27, 2017

கடலுக்குள் தோன்றி மறையும் அதிசய ஆலயம்



இதை ஓர் ஆன்மிக அதிசயம் என்றுதான் சொல்லவேண்டும். உலகில் பல இடங்களில் கடல் பின்வாங்கி மீண்டும் பழைய நிலைமைக்கு வருவது சாதாரண நிகழ்வாகத்தான் இருக்கிறது. ஆனால், அது எப்போதோ ஒரு முறை நடைபெறும். ஆனால், இங்கு தினமும் குறிப்பிட்ட நேரத்தில் கடல் உள்வாங்கி பின் மீண்டும் பழைய நிலைக்கு திரும்புகிறது. இது விஞ்ஞானத்துக்கும் பிடிபடாத ஒன்றாகவே இருக்கிறது. ஆனால், அந்த கடலுக்குள் கோயில் ஒன்று இருப்பதால் அது ஆன்மிக அதிசயமாக மாறியிருக்கிறது. அதை பற்றி இந்த காணொளியில் காணலாம். மேலும் அந்த இடத்துக்கு எப்படி போவது என்ற பயண வழிகாட்டுதலும் இருக்கிறது.



வியாழன், அக்டோபர் 26, 2017

பாபநாசம்: ஒரு மசாலா டூரிசம்

அகத்தியரும் உலோப முத்திரையும்

பாபநாசம் சுற்றுலா: சிவன் கோயில், சொரிமுத்து அய்யனார், அகத்தியர் அருவி, களக்காடு முண்டன்துறை புலிகள் சரணாலயம், சேர்வலாறு அணை, காரையார் அணை, தமிழகத்தின் முதல் நீர்மின் நிலையம் 

தாமிரபரணி அணை

பொதுவாக சுற்றுலாக்கள் ஏதாவது ஒரு வகையை மட்டும் சார்ந்ததாக இருக்கும். ஆனால் பாபநாசம் அனைத்துவிதமான சுற்றுலா வகைகளையும் தன்னுள்ளே கொண்டிருக்கிறது. பாவங்களைப் போக்கும் பாபநாசம் ஆன்மிகத்திற்கு மட்டுமல்ல அனைத்துவிதமான சுற்றுலாவுக்கும் ஏற்றது. அதைப்பற்றி விரிவான கானொலிதான் இது.




புதன், அக்டோபர் 25, 2017

விளக்கெண்ணெயை சாதாரணமா நினைக்காதீங்க..!


விளக்கெண்ணெய் பல மருத்துவ குணங்கள் கொண்டதாக இருக்கின்றது. ஆனாலும் அதை பெரும்பாலானோர் மட்டமாகவே நினைக்கிறார்கள். அதற்கு காரணம் அது எளிய மக்களின் பயன்பாட்டுக்கானது என்பதால்தான். ஆனால் அதில் இருக்கும் மருத்துவ பண்புகள் வியப்பில் ஆழ்த்துகின்றன. இந்தக் காணொலி விளக்கெண்ணெய்யின் மருத்துவ குணங்களை விரிவாக சொல்கிறது. 


செவ்வாய், அக்டோபர் 24, 2017

டைட்டானிக்: கற்பனை ஒன்று நிஜமான கொடூரம்



பொதுவாக உண்மையாக நடந்த சம்பவம் ஒன்றை மையமாக வைத்து கதை எழுதுவதுதான் நடைமுறையில் உள்ள வழக்கம். ஆனால், இங்கு ஒரு கற்பனையான கதை உண்மையாகியுள்ளது. மிக அபூர்வமாக சில சமயங்களில் இப்படி கற்பனைகள் உண்மையாவதுண்டு. அப்படி கற்பனை உண்மையானது டைட்டானிக் மூழ்கிய சம்பவத்தில் நடந்திருக்கிறது. 

டைட்டானிக் கடலில் மூழ்குவதற்கு 14 ஆண்டுகள் முன்பே ஒரு கற்பனை நாவல் இதை மையமாக வைத்து வந்திருக்கிறது. மேலும் அறிந்துகொள்ள கீழேயுள்ள காணொளியை கிளிக் செய்யவும்.


சனி, செப்டம்பர் 16, 2017

தங்கத்தை நமக்குத் தந்தது இந்த நட்சத்திரம்தான்




இந்த பூமியில் கிடைக்கும் உலோகங்களில் அதிக விலை மதிப்பு கொண்ட உலோகங்களில் தங்கமும் ஒன்று. இது ஆரம்ப காலங்களில் பூமியின் மைய பகுதியிலேயே இருந்தது. அந்தளவிற்கு மையத்தில் இருந்தால் யாராலும் தங்கத்தை எடுத்திருக்கவே முடியாது. ஆனால், திடீரென்று ஏற்பட்ட ஒரு அதிசயத்தால் பூமியின் மையத்திலிருந்து தங்கம் மேற்பகுதிக்கு வந்தது. அது எப்படி என்பதை விளக்குகிறது இந்தக் காணொளி.







செவ்வாய், செப்டம்பர் 12, 2017

பெண்களில் திருநங்கைகளே இல்லையா?



திருநங்கைகளின் வாழ்க்கை விசித்திரமானது. அவர்களின் அவலத்தை சாதாரண மக்கள் புரிந்துகொள்வதில்லை. அதேபோல் திருநங்கைகள் என்பவர்கள் ஆண்கள் பெண்ணாக மாறுவது என்றுதான் பலரும் நினைத்துக்கொண்டிருக்கிறார்கள். உண்மையில் அதுமட்டும்தானா இல்லை பெண்களிலும் திருநங்கைகள் உண்டா என்பதை ஆழமாக அலசும் காணொளி இது.




சனி, ஜூன் 24, 2017

3.5 லட்சம் பார்வைகளைக் கடந்த அந்தப்புர ரகசியம்


ன்னர்கள் காலத்தில் கோலோச்சிய அந்தபுரங்களைப் பற்றிய விவரங்கள் படு ரகசியமாகவே இருக்கிறது. இதற்கான விவரங்களை சேகரிக்க பெரும்பாடு படவேண்டியிருக்கிறது. வரலாற்று பக்கங்களில் இது குறித்த தகவல்கள் மிகக் குறைவாகவே இருக்கின்றன. என்னதான் அந்தப்புரம் என்பது இன்றைய ஆண்களுக்கு கிளுகிளுப்பை தந்தாலும் அன்றைய காலத்தில் அது மரண பயத்தை தரும் ஒரு இடமாகவே இருந்திருக்கிறது. அதனால்தான் அது குறித்த தகவல்கள் வெளியுலகுக்கு வராமலே போயிருக்கிறது. 

ஞாயிறு, ஜூன் 18, 2017

மர்மங்கள் நிறைந்த கொல்லிமலை அருவிகள்


கொல்லிமலை என்றதுமே அது ஏதோ மர்மங்கள் நிறைந்த பிர்ரதேசமாகத்தான் எல்லோரும் பார்க்கிறார்கள். உண்மையில் அப்படித்தான் இருக்கிறதா என்ற சந்தேகத்திலே பல சுற்றுலாப் பயணிகள் அங்கு வருவதில்லை. இப்படி அவர்கள் வராததால அதன் இயற்கை வளம் கெடாமல் இருக்கிறது. 

புதன், ஜூன் 14, 2017

இன்னும் 6 டிகிரி வெப்பம் அதிகரித்தால் மனித இனம் பூண்டோடு அழியும்


சுற்றுச்சூழல் குறித்து என்னதான் இயற்கை ஆர்வலர்கள் மாய்ந்து மாய்ந்து கத்தினாலும் அந்த எச்சரிக்கையெல்லாம் கடந்த ஓர் இலக்கை நோக்கித்தான் நாம் சென்று கொண்டிருக்கிறோமா என்று தோன்றுகிறது. அந்த அளவிற்கு இயற்கையை மனிதன் பாழ் படுத்தியிருக்கிறான். 

ஞாயிறு, ஜூன் 11, 2017

இயற்கை முறையில் காபி விவசாயம்


விவசாயம் அழிந்து, விவசாயிகளும் தங்கள் வாழ்வாதாரத்தை தொலைத்ததற்கு மழை ஒரு காரணமென்றால், செயற்கை உரம் மறு காரணம். விவசாயியை மரணத்தை நோக்கி தள்ளியதற்கு இந்த செயற்கை உரங்கள் பூச்சிக்கொல்லி மருந்துகள் பெரும் காரணம். 


வெள்ளி, ஜூன் 09, 2017

60 லட்சம் மனிதர்களின் எலும்புகளால் உருவான வினோத குகை


உலகம் எப்போதுமே விசித்திரம் நிறைந்ததுதான். சில விசித்திரங்களை இயற்கை நிகழ்த்துகிறது. சில விசித்திரங்களை மனிதர்கள் நிகழ்த்துகிறார்கள். இது மனிதர்கள் நிகழ்த்திய அற்புதம். திகிலும் திகைப்பும் தரும் இந்த குகை உருவான வரலாறு சுவாரசியம் மிக்கது.

ஞாயிறு, ஜூன் 04, 2017

உடலுறவின் மூலம் கணவனை தேர்வு செய்யும் அதிசயப் பெண்கள்


நாம் வாழும் உலகம் ஏராளமான விநோதங்களுக்கு சொந்தமானது. ஒரு பக்கம் இயற்கை நமக்கு வினோதம் அளிக்கிறது. மற்றொரு பக்கம் அந்த இயற்கையை சார்ந்து வாழும் மக்கள் வினோதமளிக்கிறார்கள். அப்படிப்பட்ட ஒரு விநோதம்தான் இந்தப் பதிவு. 

வியாழன், மே 18, 2017

பூட்டிய ஏசி அறைக்குள் தூங்கினால் சிறுநீரகம் காலி!


னிதன் இயற்கையை விட்டு விலகி சொகுசான வாழ்க்கையை வாழத் தொடங்கியதுமே இயற்கை அதற்கான பதிலடியை தரத் தொடங்கிவிட்டது. இந்தப் பதிலடியை சுற்றுச்சூழல் முதல் கொண்டு எல்லா இயற்கையை மீறும் விஷயங்களிலும் பார்த்து வருகிறோம். பூட்டிய ஏசி அறையில் தூங்கினால் பல உடல் நலக்குறைவு ஏற்படும் என்பதை ஏற்கனவே மருத்துவம் தொடர்ந்து சொல்லிக்கொண்டே தான் வருகிறது. இப்போதைய ஆய்வு இயற்கை காற்றோட்டமில்லாத பூட்டிய அறைக்குள் தூங்குவதால் சிறுநீரகம் பாதிக்கப்படும் என்ற அதிர்ச்சி தகவலை வெளியிட்டிருக்கிறது.

புதன், மே 17, 2017

லாபத்தை அள்ளித்தரும் அவகோடா பழங்கள்!


லைப் பகுதிகளில் வாழும் விவசாயிகளுக்கு இதுவோர் அற்புதம் என்றுதான் சொல்ல வேண்டும். இலங்கையிலிருந்து 40 - 50 ஆண்டுகளுக்கு முன்பு அறிமுகமான இந்த பழவகை இன்று ஆரோக்கியத்திற்கும் அழகிற்கும் முக்கிய பங்காற்றும் ஓர் இடத்தில் இருக்கிறது. மலைப் பிரதேச விவசாயத்தில் முக்கியத்துவம் பெற்ற பயிராக இது இருக்கிறது. 

திங்கள், மே 15, 2017

பைசா செலவில்லாமல் நான்கே நாட்களில் கிட்னி ஸ்டோனை கரைக்கும் அற்புத மூலிகை


யற்கை மனிதனுக்கு ஏற்படும் அரோக்கிய பிரச்சனைகளை தீர்த்து வைப்பதற்கென்றே பல அபூர்வ மூலிகைகளை படைத்திருக்கிறது. பழங்காலத்தில் இதை நன்கு உணர்ந்து நம் முன்னோர்கள் பயன்படுத்தினர். பின்னாளில் இதன் அருமையை மறந்தனர். அப்படி நாம் மறந்த ஓர் அபூர்வ மூலிகைப் பற்றி இங்கு நாம் பார்க்கப் போகிறோம். 

ஞாயிறு, மே 14, 2017

மதுரை சித்திரைத் திருவிழாவின் முழுத் தொகுப்பு - 2017


துரை சித்திரைத் திருவிழாவின் நிகழ்வுகளை பத்து, பதினைந்து வருடங்களுக்கு முன்பு புகைப்படங்களாக எடுத்ததுண்டு. அப்போதெல்லாம் பிலிம் கேமராதான். எடுத்த படங்களையெல்லாம் பிரிண்ட் போட்டுத்தான் பார்க்க வேண்டும். அப்படி எடுத்த பல படங்கள் இப்போது காணாமல் போய்விட்டன. 

வெள்ளி, மே 05, 2017

அக்னி நட்சத்திர வெயிலை முன்னோர்கள் சமாளித்தது இப்படித்தான்.


க்னி நட்சத்திர வெயிலை சமாளிப்பது கடினமான காரியங்களில் ஒன்று. அது உடல் ஆரோக்கியத்திற்கும் பல பிரச்சனைகளை கொண்டு வந்துவிடுகிறது. கடுமையான இந்த வெப்பத்தில் இருந்து நம்மை காத்துக்கொள்ளவும், வெப்பத்தின் தாக்குதலில் இருந்து விடுபடவும் செலவில்லா முறைகளை இயற்கை நமக்குத் தந்திருக்கிறது. நம் முன்னோர்கள் அதன் துணை கொண்டுதான் வெப்பத்தை விரட்டியிருக்கிறார்கள்.  

செவ்வாய், மே 02, 2017

சித்திரைத் திருவிழாவின் முதல் மூன்று நாட்கள் -2017




துரையில் கொண்டாடப்படும் சித்திரைத் திருவிழா உலகப் புகழ் பெற்ற ஒரு விழா. இதனைப் பார்ப்பதற்காக பல்வேறு இடங்களில் இருந்து மக்கள் மதுரையில் கூடுகிறார்கள். அப்படி பார்க்க முடியாமல் இருப்பவர்களுக்கு இந்த வீடியோ மிக உபயோகமாக இருக்கும். இந்த வருட சித்திரைத் திருவிழாவின் முதல் மூன்று நாட்கள் மீனாட்சியும் சொக்கரும் வீதி உலா வரும் நிகழ்ச்சியும் கோலாட்டமும் இடம் பெற்றிருக்கிறது. 

ஞாயிறு, ஏப்ரல் 23, 2017

மனிதனைப் போல் விவசாயம் செய்யும் மற்றோர் உயிரினம்!


பொதுவாக பூமியில் வாழும் உயிரினங்கள் எல்லாமே தனக்கான உணவை தானே உற்பத்தி செய்துகொள்ள முடியாதவை. ஏற்கனவே பூமியில் தயாராக இருக்கும் உணவுகளை மட்டுமே அதனால் உண்ண முடியும். அது காய்கறி, பழங்களாக இருந்தாலும் சரி, மாமிசமாக இருந்தாலும் சரி எல்லாமே ஏற்கனவே விளைந்து தயாராக இருப்பதைத்தான். 

ஞாயிறு, ஏப்ரல் 16, 2017

சர்க்கரை நோய்க்கு சவால்! 16 நாட்களில் குணமாகும் அதிசயம்!


ன்றைக்கு இருக்கும் பெரும் பிரச்சனைகளில் ஒன்று சர்க்கரை நோய். எந்த டீக்கடைக்கு டீ சாப்பிட சென்றாலும் 'சுகர் இல்லாத காபி' என்ற வார்த்தைகள் மிகச் சாதாரணமாக ஒலிக்கின்றன. எத்தனையோ அறிய கண்டுபிடிப்புகளை மனிதன் கண்டுபிடித்துவிட்டாலும், ஏராளமான நோய்களுக்கு மருந்துகள் கண்டுபிடித்துவிட்ட நிலையிலும் கூட இன்றைக்கும் இந்த சர்க்கரை நோய்க்கு கட்டுப்படுத்தக்கூடிய மருந்துகள் மட்டுமே வந்திருக்கின்றன. இந்த மருந்துகளை தொடர்ந்து சாப்பிட்டு கொண்டே இருக்கவேண்டும். அப்போதுதான் அது கட்டுப்பாட்டுக்குள் இருக்கும்.

புதன், ஏப்ரல் 12, 2017

தமிழர்களுக்கு மட்டுமே தெரிந்த ரகசியம்!

முரட்டுப் பிடிவாதம் கொண்ட கும்கி யானைகளை வழிக்கு கொண்டு வரும் வித்தை தெரிந்தவர்கள் இந்த உலகில் தமிழர்கள் மட்டுமே. 

சனி, ஏப்ரல் 01, 2017

100 சந்தாதாரர்களைக் கடந்து பயணம்!


நான் யூடியூபில் சேனல் ஆரம்பிப்பேன் என்று மூன்று மாதங்களுக்கு முன்புவரை கூட நினைத்துப் பார்த்ததில்லை. ஆனால், நடந்துவிட்டது. இப்போது இரண்டு சேனல்களை நடத்தி வருகிறேன். ஒன்று எனது பெயரிலே இருக்கும் சேனல். மற்றொன்று 'டிராவல்ஸ் நெக்ஸ்ட்' சேனல். இரண்டுமே வெவ்வேறு வகையறாக்கள். எனது பெயரில் இயங்கும் சேனல் பல்சுவை சேனல் கூட்டாஞ்சோறு வலைத்தளம் போல. அனைத்து விஷயங்களும் அதில் இருக்கும். 'டிராவல்ஸ் நெக்ஸ்ட்' முழுக்க முழுக்க சுற்றுலா சம்பந்தப்பட்டது. 

யூடியூபின் வாழ்த்து!
இப்படி யூடியூப் பக்கம் எனது கவனம் திரும்பியதற்கு முழுமுதற் காரணம் கூகுள்தான். ஆரம்ப காலத்தில் சுற்றுலா சம்பந்தமாக எடுத்த சில வீடியோக்களை யூடியூபில் பதிவேற்றம் செய்திருந்தேன். அதில் அச்சன் கோயிலைப்பற்றி எடுத்திருந்த வீடியோ பெரும் பார்வைகளைப் பெற்றது. முதன் முதலாக 5,000 பார்வைகளைக் கடந்தபோது யூடியூபில் இருந்து வாழ்த்து தெரிவித்து ஒரு மெயில் வந்தது. அதிலே நீங்கள் இந்த வீடியோ மூலம் பணம் ஈட்டலாம் என்ற தகவலும் இருந்தது. நான் அப்போது அதை பெரிதாக எடுத்துக்கொள்ளவில்லை. இப்படியே இரண்டு வருடங்கள் போயின.

இடையிலே என்னுடைய சில விடீயோக்களில் தொடர்ந்து விளம்பரம் வந்து கொண்டிருந்தது. ஒருநாள் எதார்த்தமாக யூடியூபில் ஆட்சென்ஸுக்கு அப்பளை செய்தேன். அது அன்று மாலையே அப்ரூவல் ஆகிவிட்டது. அப்போது 6 வீடியோக்கள் மட்டுமே என்னுடைய சேனலில் இருந்தது. அதில் 4 வீடியோ காப்பிரைட் கண்டெண்ட் இருப்பதாக வந்தது. அது வேறொன்றும் இல்லை. வீடியோக்களில் சில சினிமா பாடல்களின் இசையை பயன்படுத்தியிருந்தேன். பின் அந்த இசையெல்லாவற்றையும் நீக்கி வேறு இசையை சேர்த்தேன்.

அதன்பின்தான் யூடியூப்பில் எப்படி பணம் சம்பாதிப்பது என்று யோசித்தேன். அதற்கு நிறைய ஆலோசனைகள் யூடுபிலேயே கிடைத்தன. அவர்கள் தினமும் ஒரு விடீயோவாவது அப்லோடு செய்ய வேண்டும் என்றார்கள். வீடியோ எடிட்டிங்கிற்காக வெளியே பணம் கொடுத்து செய்தால் கட்டுபடியாகாது என்ற காரணத்தால் நானே கற்றுக்கொள்ள முடிவெடுத்தேன்.

வீடியோ எடிட்டிங் சாப்டவேர் மட்டும் பணம் கொடுத்து டவுண்லோடு செய்துகொண்டேன். பின் இணையத்தின் மூலமே யூடியூப் வழியாகவே எடிட்டிங் செய்ய கற்றுக்கொண்டேன். அதிலும் சந்தேகங்கள் ஏற்பட்ட போது தெரிந்த நண்பர்களின் உதவியை நாடினேன். ஒருவழியாக சில அடிப்படை அம்சங்களை தெரிந்து கொண்டேன்.

வலைப்பூவில்  திரட்டிகள் இருப்பதுபோல் இதில் இல்லை. இங்கு எல்லாமே நேரடி பங்களிப்புதான். சேனலில் இருக்கும் சந்தாதார்களே சேனலின் பலம். பல சேனல்களுக்கு லட்சக்கணக்கில் சந்தாதாரர்கள் இருக்கிறார்கள். ஆனாலும் இங்கு முதல் 100 சந்தாதாரர்கள் என்பது ஒரு இலக்குதான். காரணம் இங்கு சேனல் தொடங்கியதுமே நமக்கு url கொடுப்பதில்லை. எண்களும் எழுத்துக்களும் மட்டுமே குழப்பமாக காண்பிக்கப்படும். நமது பெயரில் நமக்கு url கிடைக்க 100 சந்தாதாரர்களை அடைந்திருக்க வேண்டும். அது வந்தபின்தான் நமக்கான url கொடுக்கப்படுகிறது.

எனக்கு url கிடைத்துவிட்டது. https://youtube.com/c/SPSenthilKumarMDU என்பதுதான் எனது சேனலுக்கான முகவரி. இந்த 3 மாதத்தில் இரண்டு சேனல்களிலும் சேர்த்து 50-க்கும் மேற்பட்ட வீடியோக்களை பதிவேற்றம் செய்திருக்கிறேன். இப்போதைக்கு 3 அல்லது 4 நாட்களுக்கு ஒரு விடியோதான் தயார் செய்ய முடிகிறது. இனி இதை அதிகப்படுத்த வேண்டும்.

இப்படி யூடியூப் பக்கம் கொஞ்சம் பார்வையை திருப்பியதால்தான் முன்பு போல் வலைப்பக்கம்  வரமுடியவில்லை. இனி அதிலும் கூடுதல் கவனம் செலுத்தலாம் என்றிருக்கிறேன்.


நீங்களும் சந்தாதாரராகி நான் பதிவிடும் வீடியோக்களை உடனுக்குடன் பெற்றிடுங்கள். இந்த இரண்டு சேனல்களிலும் சந்தாதாரராகுங்குகள்.

நன்றி.

 S.P.Senthil Kumar




Travels Next






வியாழன், மார்ச் 30, 2017

இந்தியாவில் இயங்கும் ஒரே தனியார் ரயில்வே இதுதான்!


ந்திய ரயில்வேயை தனியார் மயமாக்கலாமா என்று அரசு யோசித்துக் கொண்டிருக்கிறது. எதிர்க்கட்சிகள் முடியவே முடியாது என்று போர்க்கொடி தூக்கி வருகின்றன. ஆனாலும் மத்திய அரசு மெல்ல மெல்ல ஒவ்வொரு துறையாக தனியாரிடம் ஒப்படைத்து வருகிறது. இப்படி தனியார்மயத்துக்கு எதிராக அனைத்துக் கட்சிகளும் குரல் கொடுத்துக்கொண்டிருக்கும் இந்த வேளையில் இந்தியாவில் ஒரு தனியார் ரயில்வே விடுதலையான நாளிலிருந்து சத்தமில்லாமல் இயங்கி வருவது பெரும்பாலோனோருக்கு தெரியாது. 

சனி, மார்ச் 18, 2017

பெற்றோர்களைப் பயமுறுத்தும் நீலநிறக் குழந்தைகள்


புதிதாக பூமியில் பிறக்கும் குழந்தைகள் எப்போதுமே அழகானவைகள்தான். ஆனால், சில குழந்தைகள் பிறக்கும்போதே நீலநிறத்தில் பிறக்கின்றன. அந்தக் குழந்தையைப் பார்த்ததும் மொத்தக் குடும்பமும் சோகத்தில் மூழ்கிவிடும். இது ஏதோவொரு நோயின் அறிகுறி என்று பயத்தில் உறைந்து நிற்கும். இப்படி நீலநிறத்தில் பிறக்கும் குழந்தைகளுக்கு இதய வால்வில் பிரச்சனை இருக்கும் என்று மருத்துவர்கள் சொல்கிறார்கள்.


சனி, மார்ச் 11, 2017

இந்திய இஸ்லாமிய நாகரிகங்கள்


ழங்காலம் தொட்டே இந்தியா மீது பல அந்நியர்கள் படையெடுத்து வந்திருக்கிறார்கள். கிரேக்கர்கள், சாகர்கள், ஹீனர்கள் போன்றோர்களின் ஆட்சியில் இந்திய மக்களிடையே எந்த வேறுபாடும் தோன்றவில்லை. இவர்கள் இந்திய மக்களுடன் இரண்டறக் கலந்து விட்டனர். வேறுபாடின்றி கலந்ததால் தங்களின் தனி அடையாளங்களை இழந்துவிட்டனர். 

திங்கள், மார்ச் 06, 2017

ஆரோக்கியத்தைக் கெடுக்கும் ஆப்பிள்கள்


ருகாலத்தில் உடல் ஆரோக்கியத்திற்கும், நோய்வாய்ப்பட்டவர்கள் மீண்டும் பலம் பெறவும் ஆப்பிள் பரிந்துரைக்கப்பட்டது. இன்றைக்கு ஆப்பிள்கள் உடல் ஆரோக்கியத்தைக் கெடுக்கும் ஒரு பொருளாக வர்த்தக உலகம் மாற்றியிருக்கிறது.

இயற்கை மெழுகுப் பூச்சு
கடைகளில் வாங்கும் ஆப்பிள்களின் தோலை லேசாக நகத்தால் சுரண்டினால் மெழுகு போன்ற ஒரு வஸ்து திரண்டு வரும். உண்மையில் இது மெழுகுதானா என்றால் சந்தேகமே வேண்டாம். மெழுகேதான். இந்தியாவில் ஆப்பிள்களின் விளைச்சல் காலம் என்பது ஆகஸ்ட் முதல் ஜனவரி மாதம் வரை மட்டுமே. ஹிமாச்சலப் பிரதேசம், உத்தராஞ்சல், ஜம்மு-காஷ்மீர் ஆகிய மாநிலங்களில் மட்டுமே ஆப்பிள் விளைகிறது. சீசன் இல்லாத காலங்களில் அமெரிக்கா, ஆஸ்திரேலியா, நியூசிலாந்து, சிலி, சீனா ஆகிய நாடுகளில் இருந்து ஆப்பிள்கள் இறக்குமதி செய்யப்படுகின்றன. ரெட் டெலீசியஸ், ராயல் ஹாலா, கிராணி ஸ்மூத் போன்ற ஆப்பிள் வகைகள் இறக்குமதி செய்யப்படுகின்றன.

புதன், மார்ச் 01, 2017

உப்பு உருவாக்கும் கெடுதல்


திகால மனிதன் தனது உணவில் உப்பை மிகமிகக் குறைவாகவே பயன்படுத்தி வந்தான். ஒரு வாரத்திற்கு 250 மில்லி கிராம் உப்பு என்ற அளவிலே அவனது உபயோகம் இருந்தது. இந்த அளவுகோல் கொஞ்சம் கொஞ்சமாக வளர்ச்சி அடைந்து இன்றைக்கு 2.4 மடங்கு கூடியிருக்கிறது.  அதாவது 600 மி.கி. கூடுதலாக உப்பை உணவாக உட்கொள்கிறான். 


இதெல்லாம் மேலைநாடுகளின் கணக்கு. இந்தியாவின் நிலைமையை கேட்கவே வேண்டாம். சுமார் 10 ஆயிரம் மில்லி கிராம் உப்பை உணவில் சேர்த்து உணவை விஷமாக்கி வருகிறார்கள் நம் இந்தியர்கள்.

சனி, பிப்ரவரி 25, 2017

அரிய கண்டுபிடிப்பை அசால்டாக தொலைத்த விஞ்ஞானி


ரு பொருளை மறதியாக ஒரு இடத்தில் வைத்துவிட்டு நாள் முழுக்க தேடியும் கிடைக்காமல் தொலைத்து விடுவது நமக்கு மட்டுமல்ல பெரிய பெரிய விஞ்ஞானிகளின் வாழ்விலும் நடந்திருக்கிறது. தொலைந்தது அற்பமான ஒரு பொருளாக இருந்தால் பரவாயில்லை. ஆனால், அது தனது வாழ்நாளில் பெரும்பகுதியை செலவிட்டு ஆராய்ச்சியால் கண்டுபிடித்த கண்டுபிடிப்பு என்றால், எப்படி இருக்கும்..?

புதன், பிப்ரவரி 22, 2017

கடன் உயர கார் உயரும் கார் உயர கரியமில வாயு உயரும்


நாட்டில் வாகனங்களின் எண்ணிக்கை  மிகப் பெரும் அளவுக்கு உயர்ந்து கொண்டே வருவது யாவரும் அறிந்ததே. தற்போது பரவலாக எளிமையான வகையில் கடன் வசதிகள் அதிகமாகியுள்ள காரணத்தினால், மாதாந்திர தவணைகள் மூலம் பணம் செலுத்தி இரண்டு, நான்கு சக்கர வாகனங்களை வாங்குவோரின் எண்ணிக்கை அபரிமிதமாக அதிகரித்து வருகிறது.


பொருளாதார வளர்ச்சியின் காரணமாக வாகனங்களின் எண்ணிக்கை அதிகரிப்பது என்பது ஏற்றுக்கொள்ளத்தக்கதாக இருப்பினும், சுற்றுப்புறச்சூழலை கருத்தில் கொண்டால் அதிகரித்து வரும் வாகனப்பெருக்கம் பல்வேறு தாக்கங்களை ஏற்படுத்திவிடுமோ என்கிற அச்சம் ஏற்படுவதும் இயல்பே. உள்நாட்டு வாகன சந்தையானது ஆசியாவிலேயே இரண்டாவது பெரியது என கூறப்படுகின்ற நிலையில், வரும் 2026 வரையில் கிட்டத்தட்ட 13 சதவிகிதம் வருடா வருடம் அதிகரிக்கும் என எதிர்பார்க்கப்படுவதாக யர்னஸ்ட் & யங்க் அமைப்பின் ஆய்வு தெரிவித்துள்ளது.

வெள்ளி, பிப்ரவரி 17, 2017

வளர்ச்சி வந்த பாதையும் வளர்ந்து நிற்கும் தேசமும்


90-களின் ஆரம்பத்தில் உலகமயமாக்கல் நடவடிக்கைகள் மேற்கொள்ளப்பட்ட பின்னரே இந்தியா அதிவிரைவு வளர்ச்சிப் பாதையில் பயணிக்கத் தொடங்கியது என்று சொல்லப்படுவதுண்டு. ஆனால், உலகமயமாக்கலுக்கு எதிரான விமர்சனங்களும் இன்று வரையிலும் வைக்கப்படுவதையும் நாம் பார்க்க முடியும்.


இருந்தபோதும், தேவையற்ற வகையில் எல்லாவற்றிலும் அரசின் கட்டுப்பாடுகள் நீக்கமற நிறைந்திருந்த நிலை மாற்றப்பட்டு பல்வேறு துறைகளும் குறிப்பாக தொழில்துறையில் மறுமலர்ச்சிக்கான சீர்திருத்தங்கள் மேற்கொள்ளப்பட்டது என்பதையும், அதன் அடிப்படையில் தனியார் துறையில் பெருத்த உத்வேகம் ஏற்பட்டது என்பதையும் ஏற்றுக்கொள்ளத்தான் வேண்டும்.

வியாழன், பிப்ரவரி 16, 2017

இஸ்ரோவின் சாதனை இந்தியாவின் பெருமை


விண்வெளி தொழில்நுட்பத்தில் வளர்ந்த நாடு களுக்கு இணையாக சாதித்து வந்துள்ள இந்திய விண்வெளித்துறை தற்போது செயற்கைகோள்கள் ஏவுவதில் தன்னிகரில்லா சாதனையை செய்துள்ளது. ஒரே ஒரு ராக்கெட்டைக் கொண்டு 104 செயற்கைக்கோள்களை இஸ்ரோ விண்ணில் ஏவியுள்ளது உலகத்திலேயே முதல்முறை எனும்போது, அதற்காக ஒவ்வொரு இந்தியரும் பெருமைப்படலாம்.


இதுவரை 37 செயற்கைக் கோள்களை ஒரே சமயத்தில் ரஷ்யா அனுப்பி வைத்ததுதான் சாதனையாக இருந்து வந்துள்ளது. மிகக்கடினமான தொழில்நுட்பமான விண்வெளி தொழில்நுட்பத்தில் இந்தியா அடைந்து வரும் சாதனைகள் பெருமைக்குரியவையே. பல்வேறு காலகட்டங்களில் சர்வதேச நாடுகள் மேம்பட்ட தொழில்நுட்பங்களை இந்தியாவுக்கு வழங்க இயலாது என கைவிரித்து விட்டிருந்த நிலையிலும் கூட சுயமாக இந்தியாவிலேயே உருவாக்கப்பட்ட தொழில்நுட்பங்களின் அடிப்படையில் விண்வெளித்துறை நடவடிக்கைகளை இஸ்ரோ அமைப்பு இதுகாறும் நடத்தி வந்துள்ளது.

புதன், பிப்ரவரி 08, 2017

மலைக்க வைக்கும் மாருதியின் மயங்க வைக்கும் உத்திகள்


சாதாரண மக்களும் கார்களை வாங்கலாம் என்கிற கனவு நனவானதற்கு மாருதி நிறுவனமே காரணம் என்றால் அது மிகையாகாது.

குடும்ப கார் என அழைக்கப்பட்ட மாருதி 800 கார்கள் லட்சக்கணக்கான எண்ணிக்கையில் இந்தியாவில் விற்கப்பட்டது யாவரும் அறிந்ததே. மக்களின் கார் என  அழைக்கப்பட்ட மாருதி 800 கார்கள் உற்பத்தி நிறுத்தப்பட்டுவிட்டது என்றாலும், தற்போது புதிய பல பிரிவுகளிலும் மாருதி கார்கள் மகத்தான சாதனையை படைத்து வருவது வியக்கத்தக்கதாகும். விலை மலிவான கார்களுக்காகவே ஒரு காலத்தில் பெரிதும் போற்றப்பட்ட மாருதி சுசூகி நிறுவனம், இன்றைக்கு சிறிய வகை கார்கள் அல்லாத பிற வகை பிரிவுகளிலும் குறிப்பாக நடுத்தர செடான்கள், காம்பேக்ட் எஸ்யூவிக்கள் மற்றும் பிரிமியம் ஹேட்ச் பேக் மாடல்கள் என அனைத்து பயணிகள் கார் பிரிவுகளிலும் விற்பனையின் நாட்டில் முன்னிலை வகிப்பது பிரமிக்க வைப்பதாகவே உள்ளது.

செவ்வாய், ஜனவரி 31, 2017

முதிய பாரதம்


ந்தியாவிற்கு இளமையான நாடு என்றொரு பெயர் இருக்கிறது. உலகிலேயே இளைஞர்களை அதிகமாக கொண்ட நாடு இது. ஆனால் இந்த பெருமை எல்லாம் இன்னும் கொஞ்ச நாளைக்குத்தான் இருக்கும்போல. அந்தளவிற்கு முதியோர்களின் எண்ணிக்கை அதிகரித்துக்கொண்டே வருகிறது. இவர்களை சீனியர் சிட்டிசன் என்று அழைக்கிறார்கள். நமது அரசு இதற்கோர் அளவுகோல் வைத்திருக்கிறது. ஆண்களுக்கு 65 வயது, பெண்களுக்கு 60 வயது. ஆனால் உளவியலின் கணக்குப்படி ஒருவருக்கு முதுமை என்பது 50 வயதிலேயே தொடங்கி விடுகிறது.


திங்கள், ஜனவரி 30, 2017

சேவை வரியா.. பெரும் சோர்வைத் தரும் வரியா?


பிப்ரவரி 1-ம் தேதி தாக்கலாக உள்ள 2017-18 நிதியாண்டிற்கான பட்ஜெட்டின்போது சேவை வரிகளை உயர்த்துவதற்கு அரசு திட்டமிட்டுள்ளதாக செய்திகள் வெளியாகியுள்ளன.


தற்போதுள்ள 15 சதவிகிதம் என்பதிலிருந்து 16 முதல் 18 சதவிகிதம் வரை வரி விதிப்பில் உயர்வு இருக்கும் என எதிர்பார்க்கப்படுகிறது. ஜுலை மாதம் முதல் புதிய சரக்குகள் மற்றும் சேவைகள் வரி விதிப்பு அமலுக்கு வரவுள்ள காரணத்தினால், அதற்கு இசைந்தாற்போல் முன்னோட்டமாக சேவை வரி விதிப்பு அதிகரிக்கப்படும் என தெரிகிறது. ஆனால் இது பல்வேறு துறைகளிலும் பாதகமான விளைவுகளையே ஏற்படுத்தும் என்பதும் கவனத்தில் கொள்ளத்தக்கது.

பண வாட்டத்தின் பிடியில் இருந்து தொழில்துறை கொஞ்சம் கொஞ்சமாக இயல்பு நிலைக்கு திரும்பி வரும் சூழலில், சந்தையில் உற்சாகத்தை வரவழைக்க வரிச்சலுகைகள் வழங்கப்படும் என எதிர்பார்க்கப்படும் வேளையில், சேவை வரி உயர்த்தப்படுமானால் அது சங்கடங்களையே அதிகரிக்கும். விமான, ரயில் பயண டிக்கெட்டுகள், உணவகங்களில் செலவினங்கள், தொலைபேசி பில்கள், மருத்துவ வசதிகள், வங்கிக்சேவைகள், விளம்பர ஏஜென்சிகள், கமிசன் ஏஜென்டுகள் என பல்வேறு துறைகளிலும் சேவை வரி அதிகரிக்கப்படுவதன் தாக்கம் இருக்கும் என்பது கவனிக்கத்தக்கது.

நிதியமைச்சர் அருண் ஜேட்லி, ஏற்கெனவே இரண்டு முறை சேவை வரியை உயர்த்தியுள்ள நிலையில், தற்போதும் அது உயர்த்தப்படுமானால் 3-வது முறையாக இருக்கும் என்பது குறிப்பிடத்தக்கது. ஜுன் 1, 2015 முதல் 12.36 சதம் என்பதிலிருந்து 14 சதவிகிதமாகவும், நவம்பர் 15, 2015 முதல் ஸ்வெச் பாரத் செஸ் வரியாக 0.5 சதவிகிதம் சேர்க்கப்பட்டதும், கடைசி முறையாக கடந்த பட்ஜெட்டின் போது 'கிரி கல்யாண்' செஸ் வரியாக 0.5 சதவிகிதம் விதிக்கப்பட்டு சேவைகள் வரி 15 சதவிகிதமாக அதிகரிக்கப்பட்டது.


புதிய சரக்குகள் மற்றும் சேவைகள் வரி விதிப்பு 5,12,18 மற்றும் 28 சதவிகிதம் என்கிற அளவுகளில் விதிக்கப்படும் என முடிவாகியுள்ள சூழலில், சேவைகள்வரி விதிப்பு உயர்த்தப்படவுள்ளதாகத் தெரிகிறது. இதில் குறிப்பாக விளம்பர ஏஜென்சிகள், கமிசன் ஏஜென்சிகள் பெருமளவில் பாதிக்கப்படக்கூடும் எனத் தெரிகிறது. 15 சதவிகித கமிசன் அடிப்படையில் இத்தகைய நிறுவனங்களின் வருவாய் அமைந்துள்ள நிலையில், அந்த வருவாய்க்கு ஈடாக அல்லது அதற்கு மேலாக அதாவது 100 சதத்திற்கும் அதிகமான வகையில் சேவை வரி விதிக்கப்படுவது ஏற்கத்தக்கதா என்று சிந்தித்தல் நலம்.

சேவை வரி, சேவை பெறுவோரிடமிருந்து வசூலிக்கப்படுகிறது என்றாலும், ஏஜென்சிகளின் கமிசனையும் தாண்டியதாக வரி விகிதம் சேவைகள் பெறுவோரை யோசிக்கவே வைக்கும் என்பதால், இந்நிறுவனங்களின் வர்த்தகம் பாதிக்கப்படும் என்பது உண்மையே.

மேலும், வருவாயைத் தாண்டியும் வரி வசூலித்துக் கொடுக்கும் வேலையைச் செய்யும் நிறுவனங்களாக இவை மாறும் என்பதால், அவற்றிற்கு சேவை வரி பெரும் சோர்வைத் தரும் வரியாகவே அமையும் என்பதும் நிச்சயம்.

ஏற்கெனவே நேர்மறை பொருளாதாரத்திற்கு அமைப்புசாரா வர்த்தகர்களும்கூட மாறுவது அவசியம் என வலியுறுத்தப்பட்டு வரும் வேளையில், ஏற்கனவே சேவை வரி செலுத்துவோருக்கு அதிக வரி விதிக்கப்படுவது வரி ஏய்ப்புக்கான சூழலை அதிகரித்துவிடும் அபாயம் இருப்பதையும் மறுப்பதற்கில்லை. மிகப் பெரும்பாலான சேவைகள் அனைத்தும் இவ்வரியின் கீழ் வந்துவிட்டது என்பதோடு, உள்நாட்டு மொத்த உற்பத்தியில் 65 சதவிகித பங்களிப்பைக் கொண்டுள்ள சேவைகள் துறையில் வரி உயர்வு நிகழ்வது என்பது பணவீக்கத்தை அதிகரிக்கும் என்பதே பொருளாதார நிபுணர்களின் கருத்தாகவும் உள்ளது.

இந் நிலையில் சேவை வரி குறைந்தபட்சம் அதே நிலையில் தொடர்வதற்கு அரசு அனுமதிக்க வேண்டும் அல்லது சேவைகளின் தன்மைக்கேற்ப பல்வேறு வரி விகிதங்களை அறிமுகப்படுத்த வேண்டும் என்பதே பொதுவான எதிர்பார்ப்பாக உள்ளது. 


கட்டுரையாளர்: எம்.ஜே.வாசுதேவன்


* * * * * * * * * *

தைப் புரட்சி - 2017 

மதுரை தமுக்கத்தில் நடைபெற்ற ஜல்லிக்கட்டுக்கு ஆதரவான போராட்ட காட்சிகள்.




Charminar is a monument - Hyderabad | Travels Next


வணக்கம் நண்பர்களே, 

நான் சுற்றுலா சம்பந்தமான ஒரு வலைத்தளம் ஆரம்பிக்கப்போவது தாங்கள் அனைவரும் அறிந்ததே. அந்த வலைத்தளத்திற்கு என்று ஒரு youtube சேனல் தொடங்கியுள்ளேன். இதில் நான் சென்ற சுற்றுலா தளங்களில் நான் எடுத்த வீடியோ மற்றும் புகைப்படங்களை வெளியிட திட்டமிட்டுள்ளேன். முதல் முயற்சியாக ஹைதராபாத்தில் உள்ள சார்மினாரை இங்கு பதிவிட்டுள்ளேன். 

இந்த சேனலுக்கு Travels Next  என்ற வலைத்தள பெயரையே வைத்துள்ளேன். இந்த வீடியோ பிடித்திருந்தால் லைக் செய்யுங்கள். உங்கள் நண்பர்களுக்கு பகிருங்கள். மறவாமல் சேனலை Subscribe செய்துவிடுங்கள். நான் பதிவிடும் வீடியோக்கள் உடனுக்குடன் உங்களை வந்தடையும். 

வித்தியாசமான தகவல்களை தொடர்ந்து தரும் சேனலாக ஏற்கனவே இயங்கிக் கொண்டிருக்கும் மற்றொரு சேனலான 


அதனையும் subscribe செய்து உடனுக்குடன் வீடியோ பதிவுகளை பெறுங்கள்.

வழக்கம்போல் தங்கள் ஆதரவை எதிர்பார்த்து காத்திருக்கிறேன்.

அன்புடன்
எஸ்.பி.செந்தில் குமார்.






ஞாயிறு, ஜனவரி 29, 2017

ஆன்லைன் வருமானம் சாத்தியம்தானா..? - 1


அது என்னவோ தெரியவில்லை..!

வலைப்பக்கத்தில் நான் எழுத ஆரம்பித்தப் பின் இணையம், கணினி சார்ந்த சந்தேகங்களை நிறைய பேர் என்னிடம் கேட்க ஆரம்பித்துவிட்டார்கள். சிலர் நேரிலும், பலர் தொலைபேசியிலும்.. 

அவர்களிடம் எத்தனையோ முறை அதைப் பற்றி எனக்கு அதிகம் தெரியாது என்று சொல்லியிருக்கிறேன். ஆனாலும் திரும்ப திரும்ப கேட்கிறார்கள். தொழில்நுட்ப சந்தேகங்களுக்கு நமது வலைச்சித்தர் எண்ணை கொடுத்துவிடுவேன். மற்ற கேள்விகளுக்கு எனக்கு தெரிந்த விளக்கத்தைக் கொடுப்பேன்.


இப்படி கேட்கப்படும் கேள்விகளில் அதிகமாக இடம்பெறுவது இணையத்தில் சம்பாதிக்க முடியுமா..? என்பதுதான். எனக்கும் அது தெரியவில்லை என்பேன். ஆனாலும் விடாமல் அதைப்பற்றி எழுதுங்களேன் என்பார்கள்.

சனி, ஜனவரி 28, 2017

வரப்போகும் பட்ஜெட் வாழ்வா? சாவா? பட்ஜெட்!



2017-ம் ஆண்டின் ஆரம்ப கட்டத்தில் பல்வேறு பொருளாதார புள்ளி விவரங்களும், வளர்ச்சியை உறுதி செய்வதாக அரசு அறிவித்திருந்தது. தென்மேற்கு பருவமழை சிறப்பானதாக அமைந்தது மற்றும் 7-வது சம்பள கமிசன் நடைமுறைப்படுத்தப்பட்டதன் அடிப்படையில் நுகர்வு அதிகரிக்கும் என எதிர்பார்க்கப்பட்டது.

அது மட்டுமல்லாமல், எதிர்பார்த்ததைவிட பெட்ரோலியப் பொருட்கள் மீதான வரி வசூல் அதிகரிப்பும் பெருத்த நம்பிக்கையை தருவதாக அமைந்திருந்ததை மறுக்கமுடியாது.

இவ்வளவு சாதகமான அம்சங்கள் இருந்தும், இந்தியப் பொருளாதாரம் மந்த கதிச்சூழலை நோக்கி நகர்வதற்கான காரணம் புரியவில்லை. ரூபாய் மதிப்பிழப்பு நடவடிக்கைகளுக்கு முன்பாகவே 2016-17 நடப்பு நிதியாண்டில் பொருளாதார வளர்ச்சி விகிதம் கடந்த ஆண்டில் இருந்த 7.6 சதவிகிதம் என்பதைவிட குறைந்து 7.1 சதவிகிதமாக இருக்கும் என முன்கூட்டிய வளர்ச்சி மதிப்பீடுகள் வெளியிடப்பட்டன என்பதை நோக்கும்போது, அதனை துல்லியமாக உணர முடிகிறது.


அதனால்தான் ரூபாய் மதிப்பிழப்பு நடவடிக்கைக்குப் பின்னர் வளர்ச்சியின் விகிதம் மேலும் சரிவடையக்கூடும் என தற்போது அஞ்சப்படுகிறது. 2015-16ல் 8.8 சதவிகிதமாக இருந்த தொழில்துறை வளர்ச்சி தற்போது 6.1 சதவிகிதமாகவே இருக்கும் எனவும், சேவைகள் துறை கடந்த ஆண்டு வளர்ச்சி விகிதமான 8.6 சதம் என்பதிலிருந்து நடப்பாண்டில் 6.8 சதமாக குறையும் என்றும் புள்ளி விவரங்களிலிருந்து தெரிய வருகிறது.

இந்நிலையில், பேரியல் பொருளாதாரக் காரணிகள் சிறப்பாக அமைந்திருந்தபோதும், வளர்ச்சியில் வீழ்ச்சி ஏற்படுவது எதனால் என்பதை அரசு கவனமாக ஆராய வேண்டியுள்ளது. ரூபாய் மதிப்பிழப்பு அடிப்படையிலான வளர்ச்சியின் வீழ்ச்சியானது தற்காலிகமானது என்றே எடுத்துக் கொண்டாலும், அதற்கு முன்னதாகவே மந்த கதிச்சூழல் உணரப்பட்டது நிலைமையை சிக்கலாக்கியே உள்ளது. குறைந்த வட்டிக்கு கடன் வசதிகள் கிடைத்தபோதிலும், வங்கிக் கடன் வளர்ச்சி விகிதம் குறைந்துள்ளது. அதேநேரம், தொழில்துறையின் உற்பத்தித் திறன் பயன்பாடு பெரிய அளவில் மாற்றிமின்றி தொடர்கிறது. வங்கிகளின் வாராக்கடன்கள் மிக வேகமாக அதிகரித்து வருகிறது.

இந்நிலையில், இதனின்றும் வரும் நாட்களில்  வீழ்ச்சியின் அளவு அதிகரித்துவிடாமல் இருக்கத் தக்க நடவடிக்கைகள் எடுக்கப்பட வேண்டும் என்பதே பொருளாதார நிபுணர்களின் கருத்தாக உள்ளது. நுகர்வுத் தன்மை குறைவு, அதன் அடிப்படையில் பெட்ரோலியப் பொருள் வரி வருவாய் சரிவு, பெரு நிறுவனங்களின் வருவாயில் வீழ்ச்சி என தொடர்ச்சியாக பொருளாதாரத்தில் சங்கடங்கள் நிலவி வரும் நிலையில், தற்போது அமெரிக்காவில் டெனால்டு டிரம்ப் அதிபரான பின்னர், அவர் எடுத்து வரும் நடவடிக்கைகளின் காரணமாக நமது ஏற்றுமதியும், தொழில்துறை மற்றும் சேவைகள் துறை உள்ளிட்ட அனைத்தும் சங்கடமான சூழல்களை எதிர்நோக்க வேண்டி வரும் எனவும் பல்வேறு நிபுணர்களும் எச்சரிக்கை விடுத்துள்ளதும் கவனத்தில் கொள்ளத்தக்கது.

இந்நிலையில், வங்கிகளில் பெருமளவில் குவிந்துள்ள டெபாசிட்டுகளின் அடிப்படையில் பல்வேறு கடன்களுக்கான வட்டி விகிதங்கள் குறையும் என்றும், அதன் அடிப்படையில் நுகர்வு போக்கில் மறுமலர்ச்சி ஏற்படும் என்றும் அரசு எதிர்பார்ப்பதாகத் தெரிகிறது.


அதுமட்டுமல்லாமல், குறைந்த வட்டி விகிதங்களின் காரணமாக தொழில்துறை முதலீடுகள் அதிகரிக்கும் என்றும், அதன் மூலம் புதிய வேலை வாய்ப்பு உருவாக்கம் நிகழும் என்றும் அரசு எதிர்பார்ப்பது ஏற்கத்தக்கதுதான் என்றாலும், அவற்றிற்கான சவால்களும் இல்லாமல் இல்லை. மதிப்பிழப்பு நடவடிக்கையின் பின்னர், நுகர்வுச் சந்தையில் மெத்தனம் தொடரும் நிலையில், குறைந்த கடன் வட்டி விகிதங்களும் என்ன மாற்றத்தை ஏற்படுத்திவிட முடியும் என்கிற கேள்வியும் எழுகிறது.

2019-ல் பொதுத்தேர்தல்களை எதிர் நோக்கியுள்ள மோடி தலைமையிலான மத்திய அரசுக்கு வரப்போகும் பட்ஜெட் வாழ்வா? சாவா? என்கிற அடிப்படையிலேயே அமைந்திருக்கும் என்பது உறுதியாகியுள்ளது.

சவால்களை சந்தித்து அருண்ஜேட்லி வெற்றி பெறுவாரா என்பது வரும் நாட்களில் தெரியக்கூடும்.

கட்டுரையாளர்: எம்.ஜே.வாசுதேவன் 


* * * * * * * * * *

ல்லிக்கட்டு தடைக்கு எதிரான போராட்டத்தில் மதுரைக்கு வந்த இரண்டு ரயில்களை சிறைப்பிடித்து போராட்டம் செய்த போராட்டக் காட்சிகள்..!

தைப் புரட்சி - 2017 பாகம்-1




வியாழன், ஜனவரி 26, 2017

இந்தியாவின் ஊழல் - ஜஸ்ட் பாஸா.. வொர்ஸ்ட் கேஸா!


'டிரான்ஸ்பரன்சி இன்டர்நேசனல்' என்கிற சர்வதேச அமைப்பு ஊழல் மற்றும் வெளிப்படையான நிர்வாகம் குறித்த சர்வதேச நாடுகளின் செயல்பாடுகள் பட்டியல் ஒன்றை வருடா வருடம் வெளியிட்டு வருவது குறிப்பிடத்தக்கது.


2016-ம் ஆண்டிற்கான பட்டியலில், பிரேசில், சீனா மற்றும் இந்தியாவிற்கு 40-வது இடம் கிடைத்துள்ளது வெளிப்படையான, ஊழலற்ற நிர்வாகத்தை நோக்கி இந்தியா வெகுதூரம் பயணப்பட வேண்டியுள்ளதன் அவசியத்தை உணர்த்துவதாக உள்ளது. நியூசிலாந்து மற்றும் டென்மார்க் போன்ற நாடுகள் 90 புள்ளிகள் பெற்று ஊழலற்ற மிகச்சிறப்பான நாடு என்கிற தகுதியைப் பெற்றுள்ள வேளையில், உலகத்தில் 5-வது மிகப்பெரிய பொருளாதார நாடாக மாறியுள்ள இந்தியாவில் லஞ்ச ஊழல், வெளிப்படையற்ற நிர்வாகம் நாட்டை சீரழித்து வருவது மறுபடியும் நிரூபணமாகியுள்ளது.

கோலாவின் 'வியோ' எனும் விஷப் பால்



ந்த அச்சுறுத்தலுக்கும் பன்னாட்டு நிறுவனங்கள் அஞ்சுவதில்லை என்பதற்கு கோலாவின் வியோ பாக்கெட் பால் தமிழகத்தில் புகுந்திருப்பதே சாட்சி. ஜல்லிக்கட்டுக்கான எழுச்சி வெற்றிகரமாக முடிந்து ஓரிரு நாட்கள் கூட ஆகவில்லை அதற்குள் கைவரிசையை காட்டுகிறது கோலா. தமிழகத்திலுள்ள பெரிய டிபார்ட்மெண்ட் ஸ்டோர்களில் தற்போது விற்பனைக்கு வந்திருக்கிறது கொக்கோ-கோலாவின் வியோ பால்.


இது ஒரு லிட்டர் ரூ.125 என்ற விலையில் விற்கப்படுகிறது. அறிமுக சலுகையாக ஒரு லிட்டர் வாங்கினால் ஒரு லிட்டர் இலவசம். அதனால் விற்பனை களைக்கட்டுகிறது. இந்தியாவின் முதல் குடிக்கும் பாலாக விற்பனைக்கு வந்திருக்கிறது. அதாவது குளிர்பானம் போல் இந்தப் பாலை அப்படியே அருந்தலாம். இந்தப் பால் குழந்தைகளையும் இளைஞர்களையும் சுறுசுறுப்பாக வைக்கக்கூடியது. அதேசமயம் அது தரக்கூடிய பக்கவிளைவுகள் பயங்கரமானவை.


LinkWithin

Related Posts Plugin for WordPress, Blogger...