முதன்மை உள்ளடக்கத்திற்குச் செல்

மர்மங்கள் நிறைந்த கொல்லிமலை அருவிகள்


கொல்லிமலை என்றதுமே அது ஏதோ மர்மங்கள் நிறைந்த பிர்ரதேசமாகத்தான் எல்லோரும் பார்க்கிறார்கள். உண்மையில் அப்படித்தான் இருக்கிறதா என்ற சந்தேகத்திலே பல சுற்றுலாப் பயணிகள் அங்கு வருவதில்லை. இப்படி அவர்கள் வராததால அதன் இயற்கை வளம் கெடாமல் இருக்கிறது. 



உண்மையில் கொல்லிமலை எப்படிப்பட்ட இடம்? அங்கு மர்மங்கள் இருக்கிறதா என்பதை மிக விரிவாக இந்தக் காணொளி பேசுகிறது. அதோடு சுற்றுலா செல்பவர்களுக்கு பல தகவல்களை சொல்கிறது. தவறாமல் பாருங்கள் பல புதுப்புது தகவல்கள் கிடைக்கும். 

மர்மங்கள் நிறைந்த கொல்லிமலை அருவிகள்







கருத்துகள்

  1. இந்த முறை தமிழகம் வந்த போது கொல்லிமலை பயணிக்க திட்டம் இருந்தது. கடைசி நேரத்தில் செல்ல முடியாமல் போனது....

    தகவல்களுக்கு நன்றி.

    பதிலளிநீக்கு
    பதில்கள்
    1. அடுத்த முறை வரும்போது சென்று பாருங்கள். உங்கள் பயண எழுத்துக்கு நல்ல தீனி கிடைக்கும் இடம்.
      வருகைக்கும் கருத்துக்கும் நன்றி!

      நீக்கு
  2. சுவாரஸ்யம். விவரங்கள் ஓகே. ஆனால் மர்மங்கள் பற்றி விவரம் இல்லையே....

    பதிலளிநீக்கு
    பதில்கள்
    1. மர்மங்கள் இல்லை என்பதுதான் உண்மை. இதை ஆரம்பத்திலே சொல்லிவிட்டேன். மீண்டும் காணொளி பார்த்தால் தெரியும்.
      தங்கள் வருகைக்கும் கருத்துக்கும் நன்றி ஸ்ரீராம்.

      நீக்கு
  3. நான் இந்த அருவிக்கு 28 வயதில் நண்பர்களோடு சென்றுள்ளேன். மர்மம்லாம் இல்லை. ரொம்ப நேரம் அருவித் தண்ணீரில் குளித்துவிட்டு திருப்பி மேடான மண்பாதையில் ஏறிவர முடியாமல் ரொம்ப சிரம்ப்பட்டோம். 90ல் சுத்தமா இருந்தது.

    பதிலளிநீக்கு
    பதில்கள்
    1. மிக்க மகிழ்ச்சி. இன்றும் இடங்கள் தூய்மையாகத்தான் இருக்கிறது. அதற்கு காரணம் சுற்றுலாப் பயணிகளின் குறைவான வருகையே.
      தங்கள் வருகைக்கும் கருத்துக்கும் நன்றி நெல்லைத் தமிழன்.

      நீக்கு
  4. கொல்லிமலையின் மற்றொரு பக்கம் கண்டேன். மக்கள் வராமல் இருப்பது ஒருவிதத்தில் நல்லதுதான் போலுள்ளது.

    பதிலளிநீக்கு
    பதில்கள்
    1. ஒருவகையில் தாங்கள் சொல்வது உண்மைதான். மனிதர்களின் குறைவான நடமாட்டம் இயற்கையை அப்படியே மாசுபடாமல் வைத்திருக்கிறது.
      தங்களின் வருகைக்கும் கருத்துக்கும் மிக்க நன்றி அய்யா!

      நீக்கு
  5. சேலத்தில் ஐந்து ஆண்டுகள் இருந்தும் கொல்லிமலைக்கு செல்ல இயலவில்லை. அப்போது இப்போதுள்ளதுபோல் சாலைகள் இல்லாதது காரணம்.
    கொல்லிமலை அருவிகள் பற்றிய தகவல்கள் அருமை. காணொளி மூலம் பகிர்ந்தமைக்கு நன்றி

    பதிலளிநீக்கு
    பதில்கள்
    1. இப்போது கண்டிப்பாக போய்வாருங்கள். இயற்கையோடு இரண்டு நாட்களை கழித்த திருப்தி ஏற்படும்.
      தங்கள் வருகைக்கும் கருத்துக்கும் நன்றி அய்யா!

      நீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

மூவாயிரம் ஆண்டுகளாக தொடரும் பெண்ணுறுப்பு சிதைவு

அந்த வீடு விழாக்கோலம் பூண்டிருந்தது. உறவினர்கள் வந்து கொண்டிருந்தார்கள். ஐந்து வயது சிறுமி நடக்கப் போகும் விபரீதம் தெரியாமல் விளையாடிக் கொண்டிருந்தாள். இன்று அவளுக்கு 'புனித சடங்கு'. இந்த சடங்கு அங்கு வாழும் 98% பெண்களுக்கு செய்யப்படுள்ளது. இது ஒரு கொடூரமான சடங்கு.
கேட்கவே மனம் பதைபதைக்கும் கொடூரம்! உலகம் எப்படி மூடநம்பிக்கையில் திளைத்திருக்கிறது என்பதற்கான நிகழ்கால உதாரணம்! இந்த வன்கொடுமை மூவாயிரம் வருடங்களாக நடந்து கொண்டிருக்கிறது என்பதுதான் கொடுமையிலும் கொடுமை.
பிரமிடுகளில் புதைந்திருந்த மம்மிகளில் கூட இந்த அடையாளம் காணப்படுகிறது. அதுதான் இந்த சடங்கு 3,000 ஆண்டுகள் பழமை  மிக்கது என்று உலகுக்கு காட்டுகிறது.
தற்போதும் கூட 28 ஆப்பிரிக்கா  நாடுகளில் இந்த பழக்கம் தலைமுறை தலைமுறையாக கடைபிடிக்கப்பட்டு வருகிறது. எகிப்து, எத்தியோப்பியா, சோமாலியா, சூடான் போன்ற நாடுகளில் 98% பெண்களுக்கு இந்த சடங்கு பெருமையோடு நடத்தப் பட்டிருக்கிறது.
இங்கு பெண்ணாகப் பிறந்த எல்லோருக்குமே கட்டாயமாக இதை செய்கிறார்கள். அப்படி செய்யாத பெண்கள் தீட்டு கழியாத புனிதமற்ற பெண்களாக கருதி வெறுத்து ஒதுக்குகிறார்கள்…

பைசா செலவில்லாமல் நான்கே நாட்களில் கிட்னி ஸ்டோனை கரைக்கும் அற்புத மூலிகை

யற்கை மனிதனுக்கு ஏற்படும் அரோக்கிய பிரச்சனைகளை தீர்த்து வைப்பதற்கென்றே பல அபூர்வ மூலிகைகளை படைத்திருக்கிறது. பழங்காலத்தில் இதை நன்கு உணர்ந்து நம் முன்னோர்கள் பயன்படுத்தினர். பின்னாளில் இதன் அருமையை மறந்தனர். அப்படி நாம் மறந்த ஓர் அபூர்வ மூலிகைப் பற்றி இங்கு நாம் பார்க்கப் போகிறோம். 

பத்து கோடி ரூபாய் விலையில் ஒரு காளை..!

பொதுவாக பால்தரும் விலங்கினங்களில் காளைகளுக்கு மதிப்பிருப்பதில்லை. பெண்ணினத்திற்கு மட்டுமே மதிப்புண்டு. ஆனால், இங்கொரு காளையை கொண்டாடுகிறார்கள். பொத்தி பொத்தி வளர்க்கிறார்கள். தினமும் 20 லிட்டர் பால், 5 கிலோ ஆப்பிள், 15 கிலோ காய்கறி வலிமையான மாட்டுத் தீவனம் என்று சாப்பிடச் சொல்லி திணிக்கிறார்கள். தீவனத்திற்காக மட்டும் ஒரு நாளைக்கு ரூ.2,500 செலவு செய்கிறார்கள். கொழுப்பு வைக்கக் கூடாது என்பதற்காக தினமும் 6 கி.மீ. வாக்கிங் கூட்டிப் போகிறார்கள். அதுவொரு 'முரா' இனத்தை சேர்ந்த எருது காளை. இன்றைய தேதியில் உலகிலேயே அதிக விலைமதிப்பு கொண்ட காளை இதுதான். இதன் மதிப்பு கிட்டத்தட்ட 10 கோடி ரூபாய். இந்த விலையில் ஒரு ஹெலிகாப்டர் வாங்கி பறக்கலாம். 
அப்படி என்னதான் இருக்கிறது இந்த காளையிடம். அந்த காளையின் நீளம் 11.5 அடி. உயரம் 5.8 அடி. 1,400 கிலோ எடை. காளையின் பெயர் யுவராஜ். அதன் உரிமையாளர் பெயர் கரம்வீர் சிங். ஹரியானா மாநிலத்தின் மூன்றாம் தலைமுறை விவசாயி. இந்த கிராமத்தின் பெயர் சுநேரியன். மஹாபாரதத்தில் குருஷேத்ரா யுத்தம் நடந்த இடம் இது  என்கிறார்கள்.  இந்த காளை தினமும் ரூ.2 லட்சம் வருமானத்தை தன…

செம்மரத்திற்கு காப்புரிமை கோரும் ஆந்திர அரசு

செம்மரத்திற்கும் தமிழர்களுக்குமான பந்தம் இன்று நேற்றல்ல, தலைமுறை தலைமுறையாக பாரம்பரியமாக தொன்றுத்தொட்டு வருகிறது என்று சொல்கிறார், சிவகங்கை மாவட்டம் ஆ.கருங்குளத்தை சேர்ந்த சாதனை விவசாயி எம்.முருகேசன். 
செம்மரம் வெட்டியதற்காக தமிழர்களை கொன்று குவித்த ஆந்திரா, இப்போது செம்மரத்திற்கு காப்புரிமை கேட்கிறது என்ற அதிர்ச்சி தகவலையும் அவர் வெளிப்படுத்துகிறார். அதோடு செம்மரம் என்பதை மற்ற மரங்களைப் போல் சாதாரணமாக வளர்க்க முடியாது. அதற்கு ஏகப்பட்ட வழிமுறைகள் இருக்கிறது. அந்த நடைமுறைகளையும், மரம் வளர்ந்தபின் அவற்றை வெட்டுவதற்கு மேற்கொள்ள வேண்டிய விதிமுறைகள் பற்றியும் தெளிவாக குறிப்பிடுகிறார்.

கும்கியை பயிற்றுவிக்கும் குரும்பர்கள் - 2

இந்தப் பதிவின் முதல் பகுதியை படிக்காதவர்கள் இங்கே சொடுக்கி படிக்கவும்..
கும்கியை பயிற்றுவிக்கும் குரும்பர்கள் - 1
காட்டு யானைகளுக்கு கரும்பு, வெல்லம் கொடுத்து பழக்கம்படுத்தும் அதே காலக்கட்டத்தில் யானைக்கென்று தேக்கு மரத்தால் செய்யப்பட்ட வலுவான கூண்டை தயார்ப்படுத்துவார்கள். அதற்குள் யானையை அடைத்து வைத்து வழிக்கு கொண்டுவர பயிற்சி கொடுப்பார்கள். இப்படியே இரண்டு மாதங்கள் ஓடிவிடும். அதற்குள் யானை கொஞ்சம் கொஞ்சமாக பாகனோடு சிநேகம் கொள்ளத் தொடங்கும்.



ஒரு யானை பாகனின் கட்டுப்பாட்டில் முழுமையாக வந்து விட்டது என்பதற்கான அடையாளம், அந்த யானையின் மீது பாகன் ஏறி அமர்வதுதான். முரட்டுப் பிடிவாதம் கொண்ட கும்கி யானைகள் சாமான்யத்தில் பாகன்களை மேலே அமரவிடாது. அதையும் மீறி அமர முயன்றால் துதிக்கையால் வளைத்துப் பிடித்து தூக்கி எரித்துவிடும். அல்லது தரையில் போட்டு மிதித்துவிடும். அதன்பின் பாகன் உயிரோடு இருப்பது முடியாத ஒன்றாகிவிடும். அதற்காகவே துதிக்கையை மேலே தூக்க முடியாதபடி கூண்டை அமைத்திருப்பார்கள்.
தினமும் கொஞ்சம் கொஞ்சமாக முயற்சி செய்து யானையை வழிக்கு கொண்டு வருவார்கள். அதன்பின் மேலே அமர்வார்கள். யானை ஒருவ…

LinkWithin

Related Posts Plugin for WordPress, Blogger...