முதன்மை உள்ளடக்கத்திற்குச் செல்

தூக்கத்தில் ஏற்படும் 'கட்டில் மரணம்'..!


ப்போது பார்த்தாலும் தூங்கிக்கொண்டே இருப்பவர்களை மருத்துவத்தில் 'சோம்னோலேன்ஸ்' என்கிறார்கள். அதேவேளையில் தூக்கம் வராமல் திண்டாடுபவர்களை 'இன்சோம்னியா' என்றும் குறிப்பிடுகிறார்கள். மூளை நரம்புகள் ஒன்றிணைந்து செயல்படாததால் இந்த இரண்டு நிலையும் ஏற்படுகிறது. இதே நிலையில் ஒருங்கிணைந்த உடலசைவுகள் ஏற்படும்போது 'ஸொம்னாம்புலிஸம்' என்கிற 'தூக்கத்தில் நடக்கும் வியாதி' உருவாகிறது.


தூங்கிக்கொண்டு இருக்கும்போது ஒரு அரைகுறையான சுயநினைவு நிலை ஏற்பட்டு அவர்கள் திடீரென்று எழுந்து நடந்துபோய் மீண்டும் பழைய இடத்துக்கே திரும்ப வந்து விடுவார்கள். இதேபோல் காரை ஓட்டிப் போகிறவர்களும் உண்டு. இப்படிப் போகிறவர்களை தட்டி எழுப்பினால் கூட அவருக்கு நடந்தது எதுவும் தெரியாது. கனவுகள் அற்ற தூக்க நிலையிலேயே இது ஏற்படுகிறது. 

இதற்கு நேர் எதிரான ஒன்று 'ஸ்லீப் மையோக்லோனஸ்' என்பது. இந்த உபாதை கனவுகளுக்கு ஊடாகத் தோன்றுகிறது. கனவில் யாரவது அடிக்க வந்தால், தூங்குபவர் கண்ணைத் திறக்காமல் படுத்தபடியே எதிரியை பந்தாடிக் கொண்டிருப்பார். எந்தவொரு காரணமும் இல்லாமல் தூக்கத்திலேயே திடீரென்று மரணம் ஏற்படுவதும் உண்டு. இந்த மரணத்தை மருத்துவத்தில் 'கட்டில் சாவு' என்கிறார்கள். இதற்கு 'ஒன்டைன்' என்ற இன்னொரு பெயரும் இருக்கிறது. 


கிரேக்க புராண கதைகளில் 'ஒன்டைன்' என்றொரு தேவதை உண்டு. இந்த தேவதை ஆடு மேய்க்கும் ஒரு இளைஞனை காதலித்தாள். என்ன காரணத்தினாலோ அந்த இளைஞன் அந்த தேவதையின் காதலை ஏற்றுக்கொள்ளவில்லை. கோபம் கொண்ட அந்த தேவதை இளைஞனைப் பார்த்து, 'நீ எப்போது கண்ணை மூடித் தூங்குகிறாயோ அப்போதே நீ இறந்து போவாய்!' என்று சாபம் கொடுத்துவிட்டுப் போனாள். அதனால்தான் காரணமே இல்லாமல் தூக்கத்திலேயே இறந்து போகும் வியாதிக்கு 'ஒன்டைன் சாபம்' என்ற ஒரு பெயரையும் வைத்துவிட்டார்கள். 

என்னதான் இப்படி மாற்றி மாற்றி பெயர் வைத்தாலும் இந்த மரணத்துக்கான காரணம் மட்டுமே மர்மமாக இருக்கிறது. இப்போதுதான் லேசான விடைக் கிடைத்திருக்கிறது. அதன்படி இது யாருக்கு வரும் என்று ஓரளவு கண்டுபிடித்திருக்கிறார்கள். மூளையில் பிறவிக்குறைபாடு உள்ள குழந்தைகளுக்கு இந்த நோய் வரும். முதுகெலும்பில் அடிபட்டவர்கள், தண்டுவடம் பாதிக்கப்பட்டவர்கள், மிகவும் குண்டாக இருப்பவர்கள் ஆகியோருக்கு காரணமே இல்லாமல் தூக்கத்தில் மரணம் ஏற்படும் என்று கண்டுபிடித்திருக்கிறார்கள். 

தொண்டையில் வளரும் டான்ஸில் சதை வளர்ச்யில் கூட இத்தகைய ஆபத்து இருப்பதாக சொல்கிறார்கள். இப்போது இந்த கட்டில் மரணம் பற்றி நரம்பியல் நிபுணர்கள் மட்டுமல்லாமல், காது, மூக்கு, தொண்டை நிபுணர்களும், எலும்பு மருத்துவர்களும் கூட ஆராய்ச்சி செய்து வருகிறார்கள். 


தூங்குபவரை மட்டுமல்லாமல் பக்கத்தில் படுத்திருப்பவரையும் பாடாய்ப்படுத்தும் ஒரு விஷயம் குறட்டை. ஆனால், குறட்டை சத்தத்தோடு தூங்குபவர்களை விட குறட்டை இல்லாமல் அமைதியாக தூங்குபவர்களைத்தான் 'கட்டில் சாவு' சந்திக்கும் வாய்ப்பு அதிகம் என்கிறார்கள் மருத்துவர்கள்.   

இப்போது இந்த தூக்க மரணத்தை தடுக்க கருவிகள் கண்டுபிடித்திருக்கிறார்கள். 'கண்ட்ரோல்டு பாசிடிவ் ஏர்வே பிரஸ்ஸர்' என்ற கருவியைத் தூங்கும்போது பொருத்திக்கொண்டால் இந்தக்கருவி மூளையின் உதவி இல்லாமல் தானாகவே சுவாசத்தைப் பார்த்துக்கொள்ளும். இந்தக் கருவி கண்டுபிடிக்கப்பட்ட பிறகு திடீரென்று  ஏற்படும் கட்டில் சாவுகள் கொஞ்சம் குறைந்திருக்கின்றன. ஆனாலும், காரணத்தைக் கண்டுபிடித்து அதற்கான தடுப்பு மருந்தை கண்டுபிடித்தால்தான் மனிதர்கள் நிம்மதியாக தூங்கமுடியும். 




கருத்துகள்

  1. நல்லதொரு பகிர்வு. ஸ்லீப் அப்னியா பற்றியும் சொல்லியிருக்கலாம்!

    பதிலளிநீக்கு
    பதில்கள்
    1. மற்றொரு சந்தர்ப்பத்தில் அதை சொல்லலாம் என்று விட்டுவிட்டேன். தங்கள் வருகைக்கும் ஆலோசனைக்கும் நன்றி!

      நீக்கு
  2. தூக்கம் பற்றியும் கட்டில் மரணம் பற்றிய தகவல்கள் நன்று. பகிர்ந்து கொண்டதற்கு நன்றி.

    பதிலளிநீக்கு
  3. பயனுள்ள பல்வேறு விஷயங்களுடன் கூடிய மிகவும் அருமையான பதிவு.

    இறுதியில் சொல்லப்பட்டுள்ள வாக்கியமும் அதிலுள்ள பத்து வார்த்தைகளும் ‘நச்’ :)

    பாராட்டுகள், வாழ்த்துகள், பகிர்வுக்கு நன்றிகள்.

    பதிலளிநீக்கு
    பதில்கள்
    1. தங்கள் வருகைக்கும் பாராட்டி வாழ்த்தியமைக்கும் நன்றி அய்யா!

      நீக்கு
  4. தேவதைக் கதையோடு, சுவாரஸ்யமான தகவல்கள் அடங்கிய பதிவு. நன்றி.

    பதிலளிநீக்கு
  5. தூங்கிக் கொண்டிருக்கும் போதே யாருக்கும் எந்த தொந்தரவு இல்லாமல் உயிர் போவதுகூட நல்லது தானே :)

    பதிலளிநீக்கு
    பதில்கள்
    1. நல்லதுதான், ஆனால் எந்த வியாதியும் இல்லாமல் எந்த காரணமும் இல்லாமல் திடீரென்று உயிர் போவது சம்பந்தப்பட்ட குடும்பத்தை எவ்வளவு பாதிக்கும். அதை நினைக்கும் போது வேதனைதான்.
      வருகைக்கு நன்றி நண்பரே!

      நீக்கு
  6. வியப்பாக இருக்கிறது, கட்டில் சாவு இதைப் பற்றிக் கேள்விப்பட்டதே இல்லை.

    பதிலளிநீக்கு
    பதில்கள்
    1. தங்கள் வருகைக்கும் கருத்துக்கும் மிக்க நன்றி!

      நீக்கு
  7. உறக்கத்தைப்பற்றி எத்தனை நுண்ணியமான விஷயங்கள்! நல்ல அலசல்! அப்படியே நல்ல தூக்கம் வருவதற்கான வழிமுறைகளையும் எழுதியிருக்கலாம்!

    பதிலளிநீக்கு
    பதில்கள்
    1. மற்றொரு பதிவில் நல்ல தூக்கத்தைப் பற்றி சொல்கிறேன்.
      தங்கள் வருகைக்கும் கருத்துக்கும் நன்றி சகோ!

      நீக்கு
  8. மிக அருமையான தகவல்கள் அடங்கிய நல்லதொரு பதிவு.

    கீதா: இன்னும் நிறைய பேசலாம் நீங்களே அதையும் பதிவீர்கள் எனவே இங்குச் சொல்லவில்லை சகோ. அருமையான பதிவு

    பதிலளிநீக்கு
  9. எங்களின் ஐயாக்கள் தூக்கத்தில்தான் மரணித்திருக்கிறார்கள்...
    அது பற்றி அறியத் தந்தமைக்கு நன்றி சார்...

    பதிலளிநீக்கு
    பதில்கள்
    1. தங்களின் சந்தேகம் தீர எனது பதிவு உதவியது கண்டு மகிழ்ச்சி!

      நீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

மூவாயிரம் ஆண்டுகளாக தொடரும் பெண்ணுறுப்பு சிதைவு

அந்த வீடு விழாக்கோலம் பூண்டிருந்தது. உறவினர்கள் வந்து கொண்டிருந்தார்கள். ஐந்து வயது சிறுமி நடக்கப் போகும் விபரீதம் தெரியாமல் விளையாடிக் கொண்டிருந்தாள். இன்று அவளுக்கு 'புனித சடங்கு'. இந்த சடங்கு அங்கு வாழும் 98% பெண்களுக்கு செய்யப்படுள்ளது. இது ஒரு கொடூரமான சடங்கு.
கேட்கவே மனம் பதைபதைக்கும் கொடூரம்! உலகம் எப்படி மூடநம்பிக்கையில் திளைத்திருக்கிறது என்பதற்கான நிகழ்கால உதாரணம்! இந்த வன்கொடுமை மூவாயிரம் வருடங்களாக நடந்து கொண்டிருக்கிறது என்பதுதான் கொடுமையிலும் கொடுமை.
பிரமிடுகளில் புதைந்திருந்த மம்மிகளில் கூட இந்த அடையாளம் காணப்படுகிறது. அதுதான் இந்த சடங்கு 3,000 ஆண்டுகள் பழமை  மிக்கது என்று உலகுக்கு காட்டுகிறது.
தற்போதும் கூட 28 ஆப்பிரிக்கா  நாடுகளில் இந்த பழக்கம் தலைமுறை தலைமுறையாக கடைபிடிக்கப்பட்டு வருகிறது. எகிப்து, எத்தியோப்பியா, சோமாலியா, சூடான் போன்ற நாடுகளில் 98% பெண்களுக்கு இந்த சடங்கு பெருமையோடு நடத்தப் பட்டிருக்கிறது.
இங்கு பெண்ணாகப் பிறந்த எல்லோருக்குமே கட்டாயமாக இதை செய்கிறார்கள். அப்படி செய்யாத பெண்கள் தீட்டு கழியாத புனிதமற்ற பெண்களாக கருதி வெறுத்து ஒதுக்குகிறார்கள்…

பைசா செலவில்லாமல் நான்கே நாட்களில் கிட்னி ஸ்டோனை கரைக்கும் அற்புத மூலிகை

யற்கை மனிதனுக்கு ஏற்படும் அரோக்கிய பிரச்சனைகளை தீர்த்து வைப்பதற்கென்றே பல அபூர்வ மூலிகைகளை படைத்திருக்கிறது. பழங்காலத்தில் இதை நன்கு உணர்ந்து நம் முன்னோர்கள் பயன்படுத்தினர். பின்னாளில் இதன் அருமையை மறந்தனர். அப்படி நாம் மறந்த ஓர் அபூர்வ மூலிகைப் பற்றி இங்கு நாம் பார்க்கப் போகிறோம். 

பத்து கோடி ரூபாய் விலையில் ஒரு காளை..!

பொதுவாக பால்தரும் விலங்கினங்களில் காளைகளுக்கு மதிப்பிருப்பதில்லை. பெண்ணினத்திற்கு மட்டுமே மதிப்புண்டு. ஆனால், இங்கொரு காளையை கொண்டாடுகிறார்கள். பொத்தி பொத்தி வளர்க்கிறார்கள். தினமும் 20 லிட்டர் பால், 5 கிலோ ஆப்பிள், 15 கிலோ காய்கறி வலிமையான மாட்டுத் தீவனம் என்று சாப்பிடச் சொல்லி திணிக்கிறார்கள். தீவனத்திற்காக மட்டும் ஒரு நாளைக்கு ரூ.2,500 செலவு செய்கிறார்கள். கொழுப்பு வைக்கக் கூடாது என்பதற்காக தினமும் 6 கி.மீ. வாக்கிங் கூட்டிப் போகிறார்கள். அதுவொரு 'முரா' இனத்தை சேர்ந்த எருது காளை. இன்றைய தேதியில் உலகிலேயே அதிக விலைமதிப்பு கொண்ட காளை இதுதான். இதன் மதிப்பு கிட்டத்தட்ட 10 கோடி ரூபாய். இந்த விலையில் ஒரு ஹெலிகாப்டர் வாங்கி பறக்கலாம். 
அப்படி என்னதான் இருக்கிறது இந்த காளையிடம். அந்த காளையின் நீளம் 11.5 அடி. உயரம் 5.8 அடி. 1,400 கிலோ எடை. காளையின் பெயர் யுவராஜ். அதன் உரிமையாளர் பெயர் கரம்வீர் சிங். ஹரியானா மாநிலத்தின் மூன்றாம் தலைமுறை விவசாயி. இந்த கிராமத்தின் பெயர் சுநேரியன். மஹாபாரதத்தில் குருஷேத்ரா யுத்தம் நடந்த இடம் இது  என்கிறார்கள்.  இந்த காளை தினமும் ரூ.2 லட்சம் வருமானத்தை தன…

செம்மரத்திற்கு காப்புரிமை கோரும் ஆந்திர அரசு

செம்மரத்திற்கும் தமிழர்களுக்குமான பந்தம் இன்று நேற்றல்ல, தலைமுறை தலைமுறையாக பாரம்பரியமாக தொன்றுத்தொட்டு வருகிறது என்று சொல்கிறார், சிவகங்கை மாவட்டம் ஆ.கருங்குளத்தை சேர்ந்த சாதனை விவசாயி எம்.முருகேசன். 
செம்மரம் வெட்டியதற்காக தமிழர்களை கொன்று குவித்த ஆந்திரா, இப்போது செம்மரத்திற்கு காப்புரிமை கேட்கிறது என்ற அதிர்ச்சி தகவலையும் அவர் வெளிப்படுத்துகிறார். அதோடு செம்மரம் என்பதை மற்ற மரங்களைப் போல் சாதாரணமாக வளர்க்க முடியாது. அதற்கு ஏகப்பட்ட வழிமுறைகள் இருக்கிறது. அந்த நடைமுறைகளையும், மரம் வளர்ந்தபின் அவற்றை வெட்டுவதற்கு மேற்கொள்ள வேண்டிய விதிமுறைகள் பற்றியும் தெளிவாக குறிப்பிடுகிறார்.

கும்கியை பயிற்றுவிக்கும் குரும்பர்கள் - 2

இந்தப் பதிவின் முதல் பகுதியை படிக்காதவர்கள் இங்கே சொடுக்கி படிக்கவும்..
கும்கியை பயிற்றுவிக்கும் குரும்பர்கள் - 1
காட்டு யானைகளுக்கு கரும்பு, வெல்லம் கொடுத்து பழக்கம்படுத்தும் அதே காலக்கட்டத்தில் யானைக்கென்று தேக்கு மரத்தால் செய்யப்பட்ட வலுவான கூண்டை தயார்ப்படுத்துவார்கள். அதற்குள் யானையை அடைத்து வைத்து வழிக்கு கொண்டுவர பயிற்சி கொடுப்பார்கள். இப்படியே இரண்டு மாதங்கள் ஓடிவிடும். அதற்குள் யானை கொஞ்சம் கொஞ்சமாக பாகனோடு சிநேகம் கொள்ளத் தொடங்கும்.



ஒரு யானை பாகனின் கட்டுப்பாட்டில் முழுமையாக வந்து விட்டது என்பதற்கான அடையாளம், அந்த யானையின் மீது பாகன் ஏறி அமர்வதுதான். முரட்டுப் பிடிவாதம் கொண்ட கும்கி யானைகள் சாமான்யத்தில் பாகன்களை மேலே அமரவிடாது. அதையும் மீறி அமர முயன்றால் துதிக்கையால் வளைத்துப் பிடித்து தூக்கி எரித்துவிடும். அல்லது தரையில் போட்டு மிதித்துவிடும். அதன்பின் பாகன் உயிரோடு இருப்பது முடியாத ஒன்றாகிவிடும். அதற்காகவே துதிக்கையை மேலே தூக்க முடியாதபடி கூண்டை அமைத்திருப்பார்கள்.
தினமும் கொஞ்சம் கொஞ்சமாக முயற்சி செய்து யானையை வழிக்கு கொண்டு வருவார்கள். அதன்பின் மேலே அமர்வார்கள். யானை ஒருவ…

LinkWithin

Related Posts Plugin for WordPress, Blogger...