சூரியன் உருவாக்கும் வலிப்பு

சூரியக் குடும்பத்தில் இருக்கும் ஒன்பது கோள்களும் 179 ஆண்டுகளுக்கு ஒருமுறை ஒரே நேர்கோட்டில் சந்தித்துக்கொள்ளும். 1982-ம் ஆண்டு கடைசியாக இந்த நிகழ்வு நடைபெற்றது. அடுத்து 2161-ம் ஆண்டு நிகழும். ஒருவேளை யாராவது உயிரோடு இருந்தால் பார்க்கலாம்.

சூரியனின் ஆயுள் 1000 கோடி ஆண்டுகள் . தற்போது 460 கோடி ஆண்டுகள் முடிந்திருக்கின்றன. இன்னும் 500 கோடி ஆண்டுகளுக்கு மேல் உயிரோடு இருக்கும். நாம் வாழும் பூமியை விட சூரியன் 13 லட்சம் மடங்கு பெரியது. சூரிய குடும்பத்தின் மொத்த எடையில் 99 சதவீதத்தை சூரியன் கொண்டுள்ளது. சூரியக் குடும்பத்தின் மற்ற எல்லா கோள்களும் சேர்ந்து ஒரு சதவீத எடையை பகிர்ந்து கொள்கின்றன. சூரியன் 15 கோடி கிலோ மீட்டர் தூரத்தில் உள்ளது.சூரியனில் ஏகப்பட்ட கரும்புள்ளிகள் உண்டு. இது 11 வருடங்களுக்கு ஒரு முறை மாறும். இது சுழற்ச்சி முறையில் மாறுகிறது. 11 வருடங்கள் கரும்புள்ளிகள் அதிகரிக்கும். அடுத்த 11 வருடங்கள் குறையும்.

கரும்புள்ளிகள்

சூரியனின் மேற்பரப்பில் வெப்பம் எப்போதும் 6000 கெல்வின் வெப்பம் இருக்கும். மையத்தில் 1.56 கோடி கெல்வின் வெப்பம் இருக்கும். மேற்பரப்பில் சில இடங்களில் 4500 கெல்வின் வெப்பம் காணப்படும். இப்படி குறைந்த வெப்பத்தை வெளிப்படுத்தும்  இடங்களே நமக்கு சூரியனின் கரும்புள்ளியாக தெரிகிறது. இந்த கரும் புள்ளிகளில் சிறியது 1500 கி.மீ குறுக்களவு கொண்டதாகும். பெரிய கரும்புள்ளி ஒரு லட்சம் கிலோ மீட்டர் குறுக்களவு கொண்டதாகவும் உள்ளது. இந்த பெரிய கரும் புள்ளியில் நமது பூமியைப் போன்ற 5 பூமிகளை உள்ளடக்கி விடலாம். அவ்வளவு பெரியது.

கரும்புள்ளிகளின் 'க்ளோசப்'

சூரியனும் தன்னைத் தானே சுற்றிக்கொள்கிறது. சூரியனின் மத்திய பாகம் 25.4 நாட்களுக்கு ஒரு முறையும், துருவப்பகுதி 36 நாட்களுக்கு ஒருமுறையும் சுற்றுகிறது. இப்படி திருகிக்கொள்வது போல் சூரியன் சுற்றுவதால் தான் கரும்புள்ளிகள் தோன்றுகின்றன.

விண்வெளியில் இருந்துவரும் கதிர்கள் பூமியில் உள்ள நைட்ரஜனை தாக்கும் போது 'கார்பன் 14' தோன்றுகிறது. இது கரும்புள்ளி ஏற்படும் காலங்களிலேயே உருவாகிறது. அப்படி கரும் புள்ளி ஏற்படும் போது காந்த சக்தி அதிகமாவதால் பூமியில் சில பாதிப்புகள் ஏற்படுகின்றன.

சூரியனும் பூமியும்

காந்த சக்தி அதிகமாகும் போது 'காஸ்மிக் கதிர்கள்' திசை திரும்பி  விடுகிறது. இதனால் கார்பன் 14 குறைகிறது. இப்படி குறைவதால் தாவரங்கள், பயிர்கள் பாதிக்கப்படுகின்றன. நமது ரேடியோ, தொலைக்காட்சிகள் பாதிக்கப்படுகின்றன. மனிதர்களுக்கு மன நோயும் வலிப்பும் ஏற்படலாம்.

தினமும் சூரியன் ஒளிவீசுவதற்க்கு 39,744 டன் ஹைட்ரஜன் அணுக்கள் பிணைந்து ஹீலியமாக வெளிவருகிறது.